Firefox wjele funkcijow wopśimujo, aby wobglědowak a webwopśimjeśe stej pśistupnej za wše wužywarje, mjazy nimi te, kótařiž su słabowidne abo slěpe, abo jano wobgranicowanu zamóžnosć maju, tastaturu abo myšku wužywaś.

Tastaturu wužywaś

Lisćina cestych tastowych skrotconkow jo w Tastowe skrotconki - zwucone nadawki Firefox spěšnje wuwjasć k dispoziciji.

Tastaturu wužywaś, aby we webbokach nawigěrował

Aby nawigaciju a tekstowy wuběrk we webwopśimjeśu a PDF-dokumentach z pomocu swójeje tastatury w Firefox zmóžnił, ako by w editorje za pśeśiwo pisanjeju šćitany tekst nawigěrował, pśewjeźćo slědujuce kšace:

1. Klikniśo w menijowej rědce górjejce na wobrazowce na Firefox a wubjeŕśo Nastajenja. Klikniśo na menijowy tłocašk a wubjeŕśo NastajenjaNastajenja.Klikniśo na menijowy tłocašk a wubjeŕśo Nastajenja.

2. Markěrujśo w rejtariku Powšykne wótrězk Pśeglědowanje, kontrolny kašćik pódla Pśecej kursorowe tasty za pógibowanje na bokach wužywaś.

Gaž toś ta funkcija jo zaktiwěrowana, Firefox a pógibliwy kursor na webbokach ako teke w PDF-dokumentach pokažo, kótarež se we wobglědowaku wócynjaju. Toś ta funkcionalnosć, znata ako Caret Browsing, preciziju a pśistupnosć za tekstowy wuběrk a kopěrowanje bejnje pólěpšujo, dokulaž wjelebocny rěd za interakciju z digitalnym wopśimjeśim k dispoziciji staja. Móžośo kuždy cas F7 tłocyś, aby toś tu funkciju zmóžnił abo znjemóžnił. Gaž F7 tłocyśo, buźo se Firefox pšašaś, lěc napšawdu cośo toś tu funkciju zmóžniś. Wubjeŕśo Toś ten dialogowy kašćik wěcej njepokazaś, aby toś to napominanje znjemóžnił.

Tekst pśi zapódawanju pytaś

Aby k tekstoju abo hyperwótkazam we webboku nawigěrował, pśewjeźćo slědujuce kšace:

1. Klikniśo w menijowej rědce górjejce na wobrazowce na Firefox a wubjeŕśo Nastajenja. Klikniśo na menijowy tłocašk a wubjeŕśo NastajenjaNastajenja.Klikniśo na menijowy tłocašk a wubjeŕśo Nastajenja.

2. Markěrujo we wótrězku Pśeglědowanje rejtarika Powšykne kašćik pódla Pśi pisanju tekst pytaś.

Toś ta funkcija ma dwa modusa. Tłocćo / a zachopśo pisaś, aby wšen tekst na aktualnem boku pytał, abo tłocćo ' pśed swójim znamjenjowym rjeśazkom, aby jano hyperwótkaze pytał. Firefox póstrjefjecy tekst abo pśitrjefjece hyperwótkaze wuzwigujo, gaž pišośo.

Slědujuce tastowe skrotconki toś tu funkciju wóźe:

• Zapódajśo dalšne znamuška, aby swójo pytanje zagranicował. Firefox pśiducy pśitrjefjecy hyperwótkaz wuzwigujo, abo dajo wam k wěsći, až nic njejo se namakało.
• Tłocćo Strg⌘+G abo F3, aby pśiduce wustupowanje swójogo pytańskego wuraza namakał.
• Tłocćo Strg⌘+Umsch+G abo Umsch + F3, ay pjerwjejšne wustupowanje swójogo pytańskego wuraza namakał.
• Tłocćo slědkstajeńska tasta, aby slědne zapódane znamuško zasej wótwónoźeł. Firefox do togo wuzwignjony tekst zawěsćijo.
• Tłocćo Esc, aby pytanje pśetergnuł. Móžośo teke pytanje pśetergnuś, gaž fokus změnjaśo abo jadnorje na casowe pśekšocenje cakaśo.

Jolic toś to nastajenje jo zmóžnjona, móžośo kuždy cas zachopiś pisaś, aby pytanje na aktualnem boku awtomatiski startował. Pó standarźe awtomatiski startowane pytanja wšen tekst na boku pytaju. Móžośo hyšći eksplicitnje ' abo / tłocyś, aby pytanje w jadnom abo drugem modusu pytał.

Móžośo toś tu funkciju wužywaś, aby se k tłocaškam, tekstowym pólam a druhim formularowym wóźeńskim elementam dostał. Pytajśo tekst njepósrědnje pśed formularowym wóźeńskim elementom, kótaryž cośo a tłocćo Tabulator. Gaž Tabulator tłocyśo, se pytanje awtomatiski skóńcyjo a staja fokus na pśiduce formularowe pólo abo tłocašk za wuzwignjonym tekstom.

Pśistupowe tasty HTML

Na někotarych webbokach se tastowe skrotconki drugim elementam na boku pśipokazuju. Aby kursor direktnje k jadnomu toś tych elementow gibnuł, tłocćo Umsch+AltStrg + ⌥+pśistupowa tasta.

Tastowe skrótšenki myški

Lisćina cestych skrotconkow z myšku jo w Use mouse shortcuts to perform common tasks in Firefox k dispoziciji.

Měritko, pisma a barwy

Měritko boka

Móžośo webboki inkluziwnje wobraze ze slědujucymi tastowymi skrotconkami pówětšyś a pómjeńšyś:

• Tłocćo Strg⌘++, aby webbok wó jadnu wjelikosć wětšy pokazał.
• Tłocćo Strg⌘+−, aby webbok wó jadnu wjelikosć mjeńšy pokazał.
• Tłocćo Strg⌘+0 (nul), aby webbok z normalneju wjelikosću pokazał.

Za druge móžnosći pówětšenja a pómjeńšenja webboka, glejśo Font size and zoom - increase the size of web pages.

Měritko teksta

Móžośo funkciju Tekstowe skalěrowanje wužywaś, aby jano tekstowu wjelikosć změnił:

1. Tłocćo tastu Alt, aby tradicionelne menije Fiefox pokazał. Klikniśo górjejce we woknje Firefoxw menijowej rědce na meni Naglěd.
2. Źiśo dołoj do Skalěrowaś.
3. Wubjeŕśo Jano tekst skalěrowaś, aby se wóźeńske elementy jano na tekst wustatkowali, nic na wobraze.

Slědujuce tastowe skrotconki tekstowu wjelikosć wóźe, gaž tekstowe skalěrowanje jo wubrane:

• Tłocćo Strg⌘++, aby tekstowu wjelikosć pówušył.
• Tłocćo Strg⌘+−, aby tekstowu wjelikosć pónižył.
• Tłocćo Strg⌘+0 (nul), aby tekstowu wjelikosć na standardnu wjelikosć webboka slědk stajił.

Źiwajśo na to, až se někotare webboki snaź wopak pokazuju, jolic tekstowu wjelikosć pówušujośo abo pónižujośo.

Za druge móžnosći pówětšenja a pómjeńšenja webboka, glejśo Font size and zoom - increase the size of web pages.

Pisma a barwy nastajiś

Glejśo Change the fonts and colors websites use za pódrobne instrukcije wó tom, kak móžośo swóje preferěrowane pismowe stile a barwy wubraś.

Minimalnu pismowu wjelikosć nastajiś

Někotare websedła snaź tekst pokazuju, kótaryž jo pśemały, aby wy mógał jen bźez problemow cytaś. Aby se boki lóšo cytali, móžośo minimalnu pismowu wjelikosć nastajiś. Na webbokach, kótarež wopytuju, tekst mjenjej ako toś ta wjelikosć pokazaś, Firefox tekst na nastajonu wjelikosć pówětšujo.

Aby minimalnu pismowu wjelikosć nastajił:

1. Klikniśo w menijowej rědce górjejce na wobrazowce na Firefox a wubjeŕśo Nastajenja. Klikniśo na menijowy tłocašk a wubjeŕśo NastajenjaNastajenja.Klikniśo na menijowy tłocašk a wubjeŕśo Nastajenja.

2. Kulniśoe w rejtariku Powšykne dołoj do Rěc a wuglěd.
3. Klikniś we wótrězku Pisma na tłocašk Rozšyrjony….
4. Pódajśo minimalnu pismowu wjelikosć z wuběrańskego menija.

Źiwajśo na to, až se někotare webboki wótwisujucy wót wubraneje minimalneje pismoweje wjelikosći wopak pokazuju.

Pisma boka pśepisaś

Někotare websedła snaź tekst w pismach pokazaś, kótarež su śěžko cytajobne, a druge sedła se snaź na standardne pisma wobglědowaka spušćaju. Aby swóje standardne pisma nastajił:

1. Klikniśo w menijowej rědce górjejce na wobrazowce na Firefox a wubjeŕśo Nastajenja. Klikniśo na menijowy tłocašk a wubjeŕśo NastajenjaNastajenja.Klikniśo na menijowy tłocašk a wubjeŕśo Nastajenja.

2. Kulniśo w rejtariku Powšykne dołoj k Rěc a wuglěd.
3. Wubjeŕśo we wótrězku Pisma standardne pismo a standardnu wjelikosć.

Móžośo standardne pismo za rozdźělne stile pódaś, mjazy nimi serif, sans-serif a monospace, gaž na tłocašk Rozšyrjony… klikaśo. Wjele webbokow pak swójske pisma pódawa, tak až se waše wuběrki na take boki njewustatkuju. Aby pisma pśepisał, kótarež su se definěrowali pśez take boki, wótwónoźćo kokulku pśed nastajenim Bokam dowóliś, swóje pisma město górjejce wubranych wužywaś.

Źiwajśo na to, až se někotare webboki wótwisujucy wót wubranego standardnego pisma wopak pokazuju.

Barwy boka pśepisaś

Někotare websedła snaź tekst ze slězynowymi barwami pokazuju, kótarež cytanje teksta póśěžuju a druge sedła spušćaju se snaź na standardne barwy wobglědowaka. Aby standardne barwy nastajił:

1. Klikniśo w menijowej rědce górjejce na wobrazowce na Firefox a wubjeŕśo Nastajenja. Klikniśo na menijowy tłocašk a wubjeŕśo NastajenjaNastajenja.Klikniśo na menijowy tłocašk a wubjeŕśo Nastajenja.

2. Kulniśo w rejtariku Powšykne dołoj do Rěc a wuglěd.
3. Klikniśo we wótrězku Barwy na tłocašk Barwy zastojaś….

Móžośo standardny tekst a slězynowe barwy ako teke standardne barwy za woglědane a njewoglědane hyperwótkaze nastajiś. Móžośo teke pódaś, lěc se maju hyperwótkaze pódšmarnuś.

Wjele webbokow pak swójske barwy nastaja, tak až se waše wuběrki njewustatkuju. Aby barwy webbokow pśepisał, wužywajśo wuběrański meni, aby Barwy pódane pśez bok pśez mój wuběrki górjejce pśepisaś na Pśecej stajił.

Drastwu z wusokim kontrastom wužywaś

Firefox awtomatiski wuslěźijo, lěc drastu z wusokim kontrastom na Windows wužywaśo a pokazujo wšykno we wašej barwowej šemje z wusokim kontrastom. To wšykne druge nastajenja wobglědowaka abo webboka pśepisujo a wobwliwujo wužywaŕski pówjerch Firefox sam (wšykne menije, wokna a dialogowe póla) a wopśimjeśe kuždego boka, ku kótaremuž se woglědujośo.

Webwopśimjeśe kontrolěrowaś

Wuskokujuce wokna blokěrowaś

Glejśo Nastajenja wuskokujucych woknow, wuwześa a rozwězowanje problemow za informacije wó blokěrowanju wuskokujucych woknow.

Zaźaržanje JavaScript wobgranicowaś

JavaScript dajo se wužywaś, aby wěcy cynił, kótarež se někotarym ludam njespódobaju. Za lěpšu kontrolu móžośo rozšyrjenja priwatnosći instalěrowaś. Za dalšne informacije glejśo JavaScript settings and preferences for interactive web pages.

Kompatibelnosć z pódpěrajucymi technologijami

Cytak wobrazowki

Cytak wobrazowki jo softwarowe nałoženje, kótarež wopytujo identificěrowaś a interpretěrowaś, což se na wobrazowce pokazujo (abo, dokradnjej, se na standardne wudaśe sćelo, lěc wideomonitor jo k dispoziciji abo nic). Toś ta interpretacija se pón wužywarjeju zasej z teksta do powědanja, zukowymi symbolami abo wudańskim rědom za Braille pósrědni. Cytaki wobrazowki su forma pódpěrajuceje technologije, kótaraž jo potencielnje wužytna za slěpe luźe, na wiźenje škódowane, analfabety abo do wuknjenja brašne, cesto w kombinaciji z drugeju pódpěrajuceju technologiju ako na pśikład z lupami wobrazowki. Glejśo tek nastawk we Wikipediji (nimski) pód licencu Creative Commons – Attribution-ShareAlike 3.0.

How jo lisćina cytakow wobrazowki (engelski) a wótkaze k zwuconym:

Pódobne wótkaze wó bźezbariernosći

• Mozilla Accessibility on MDN
• Mozilla Accessibility Blog

Konformaciska rozpšawa wó bźezbariernosći (Accessibility Conformance Report - ACR

Procujomy se standardy bźezbariernosći doźaržaś ako teke spódobne dožywjenja za swóje wužywarje napóraś. Toś ta aktualna rozpšawa wopisujo, kak wobglědowak Firefox tuchylu za luźe z brachami funkcioněrujo. Bazěrujo na ITI Voluntary Product Accessibility Template (VPAT® 2.5) a wopśimujo doźaržanje směrnicow za bźezbariernosć webowego wopśimjeśa (Web Content Accessibility Guidelines - WCAG 2.2) a pśeźěłany wótrězk 508 konformaciskeje rozpšawy (engelski): Firefox for desktop (Windows OS, April 2024)