Konto Firefox wam zmóžnja, waše daty a nastajenja pśez wšykne waše rědy synchronizěrowaś (na pśikład waše cytańske znamjenja, wašu historiju, waše gronidła, wócynjone rejtariki, a zainstalěrowane dodanki).

Konto Firefox załožyś

Trjebaśo konto Firefox, abyšće synchronizaciju konfigurěrował. Aby konto załožył:

1. Klikniśo na menijowy tłocašk Wobraz "fx57menu" njeeksistěrujo., aby menijowe wokno wócynił.

   

2. Klikniśo na tłocačk Pśizjawiś pódla Synchronizěrowaś a daty składowaś.
   • Pśizjawjeński bok Firefox Accounts se w nowem rejtariku wócynijo.

   

3. Zapódajśo swóju e-mailowu adresu a klikniśo na Dalej.
4. Wupołniśo formular, aby konto załožył.
   • Źiwajśo na e-mailowu adresu a gronidło, kótarejž sćo wužywał: Trjebaśo jej, aby se pśizjawił.
5. Firefox Accounts wam wobkšuśeńsku mejlku pósćelo. Wužywajśo wobkšuśeński wótkaz abo kod, aby swójo konto wobkšuśił.

6. Klikniśo na e-mailowu adresu abo zwobraznjeńske mě swójogo konta Firefox (musyśo se snaź nejpjerwjej pśizjawiś.)

   

7. Klikniśo na Něnto synchronizěrowaś.

Rozsuźiś, kótare informacije maju se synchronizěrowaś

Glejśo Kótare typy informacijow mógu z Firefox synchronizěrowaś?

Dalšne rědy ze Sync zwězaś

Rěd móžo mobilny rěd (na pśikład smartfon abo tablet), desktopowy kompjuter abo drugi profil Firefox byś. Za wěcej wó mobilnych rědach glejśo:

• Telefony a tablety Android: Cytańske znamjenja, rejtariki, historiju a gronidła na Android synchronizěrowaś
• Dotyknjeńske rědy iPads, iPhones a iPod: Sync bookmarks, logins and browsing history on FIrefox for iOS

Aby druge desktopowe licadło abo profil zwězał, pśizjawśo se jadnorje a dajśo Firefox zbytk cyniś. Aby se pśizjawił, trjebaśo e-mailowu adresu a gronidło, kótarejž sćo wužywał w pjerwjejšnem wótrězku.

1. Wócyńśo Firefox na licadle abo w profilu, kótaryž cośo synchronizěrowaś.
2. Klikniśo na menijowy tłocašk a pótom na tłocašk Pśizjawiś pódla Daty synchronizěrowaś a składowaś.

   

   • Jolic sćo južo pśizjawjony (glejśo How do I know the status of my sync?), klikniśo na Něnto synchronizěrowaś, aby synchronizaciju ned zachopił.

Sync za do togo synchronizěrowane rědy znjemóžniś

Za dalšne informacije glejśo Disable Firefox Sync.