Firefox wobpśimujo zatwarjony šćit pśed wopytami wobšuźenja a škódnymi programami, aby wy online wěsty wóstał. Toś te funkcije budu was warnowaś, gaž bok, ku kótaremuž se woglědujośo, jo se ako wobšudne sedło k wěsći dał (wótergi boki „phishing“ pomjenjone), ako žrědło njewitaneje softwary abo jako škódne sedło, kótarež jo za to myslone, wašo licadło wobškóźiś, z tym, až instalěrujo škódne programy. Toś ta funkcija teke was warnujo, jolic ześěgujośo dataje, kótarež wopokazuju se ako škódny program.

Co su wobšudne wopyty („phishing“), napadowe sedła, škódne programy a njewitana software?

Wobšudne sedło (teke ako „phishing“ znate)

To jo forma kšadnjenja identity, pśi kótarejž złosne websedło imitěrujo seriozne websedło, aby was zawjedowało, dowěrliwe informacije ako na pśikład gronidła, kontowe daty abo numery kreditnych kórtow zapódaś. Take wopyty wobšuźenja pśidu zwětšego z mejlkami, aby dostawarjeju zawjedowali, aby swóje wósobinske daty na sfalšowanych websedłach aktualizěrował, kótarež pak wuglěduju, ako by njesfalšowane byli. Dalšne informacije wó „phishing“ Anti-Phishing Working Group a někotare pśikłady a resurse namakajośo na boku Wikipedije „Phishing“.

Kak móžośo wobšudne sedło k wěsći daś

Aby wobšudne websedło k wěsći dał, ku kótaremuž se tuchylu woglědujośo, klikniśo na menijowy tłocašk Firefox, pótom na Pomoc a wubjeŕśo Wobšudne sedło k wěsći daś… z menija Pomoc.

Napadowe sedła

Napadowe sedła su websedła, kótarež wopytuju, wašo licadło ze škódnymi programami inficěrowaś, gaž se k toś tym sedłam woglědujośo. Toś te napady daju se cesto śěžko namakaś; samo sedło, kótarež jo zazdaśim wěste, wopytujo snaź was napadowaś. Wótergi samo wobsejźaŕ websedła njewě, až jogo sedło jo napadowe sedło.

Škódne programy

Škodne programy su programy, kótarež su za to myslone, wašo licadło bźez wašogo wěźenja inficěrowaś. Škódne programy se cesto wužywaju, aby wósobinske daty kšadnuli, cejkowu e-mail (spam) pósłali abo druge škódne programy rozšyrili.

Njewitane programy

Sedła z njewitanymi programami su websedła, kótarež wopytuju was zawjedowaś, aby programy instalěrował, kótarež kaže wašo pśeglědowańske dožywjenje (na pśikład pśez změnjanje wašogo startowego boka abo pokazowanje pśidatnego wabjenja na sedłach, ku kótarymž se woglědujośo). Móžośo w Google Unwanted Software Policy (engelski) wěcej wó takich programach zgóniś.

Kak funkcioněrujo šćit pśed wopytami wobšuźenja a škódnymi programami w Firefox?

Šćit pśed wopytami wobšuźenja a škódnymi programami tak funkcioněrujo, až sydła, ku kótarymž se woglědujośo, se pśeglěduju a se z lisćinami sedłow pśirownuju, kótarež su znate za pospyty wobšuźenja, njewitane programy a škódne sedła. Toś te lisćiny ześěguju se a aktualizěruju se kužde 30 minutow awtomatiski, jolic funkcije šćita pś wopytami wošuźenja a škódnymi programami su zmóžnjone.

Gaž ześěgujośo dataju nałoženja, pśespytujo Firefox sedło, z kótaregož pochada a pśirownujo je z lisćinu sedłow, kótarež, ako jo znate, rozšyrjuju „škódne programy“. Jolic sedło jo na lisćinje, Firefox blokěrujo ned toś tu dataju, howac pšaša se słužby wěstego pśeglědowanja Google, lěc program jo wěsty, z tym až sćelo jej někotare z metadatow ześěgnjenja.*

Kak mógu funkcije šćita pśed wopytami wobšuźenja a škódnymi programami wužywaś?

Toś te funkcije su pó standarźe zmóžnjone, tak až móžośo je nejskerjej južo wužywaś, snaźkuli waše wěstotne nastajenja su se změnili. NastajenjaNastajenja šćita pśed wopytami wobšuźenja a škódnymi programami namakajośo we woknje Priwatnosć a wěstota:

1. Klikniśo w menijowej rědce górjejce na wobrazowce na Firefox a wubjeŕśo Nastajenja. Klikniśo na menijowy tłocašk a wubjeŕśo NastajenjaNastajenja.Klikniśo na menijowy tłocašk a wubjeŕśo Nastajenja.

2. Klikniśo na wokno Priwatnosć a wěstota.
3. Stajśo we wótrězku Wěstota kokulku pódla slědujucych nastajenjow, aby je aktiwěrował:
   • Tšašne a wobšudne wopśimjeśe blokěrowaś: Stajśo kokulku do toś togo kašćika, jolic cośo potencielnje škódne programy abo škódne wopśimjeśe blokěrowaś, kótarež mógli was zawjedowaś, škódne programy ześěgnuś abo mimo wótglědanja informacije zapódaś. Móžośo teke slědujucej opciji zmóžniś abo znjemóžniś, aby swój wuběrk precizěrował:
     • Tšašne ześěgnjenja blokěrowaś: Blokěrujo potencielne wiruse a druge škódne programy.
     • Pśed njewitaneju a njewšedneju software warnowaś: Dajo wam k wěsći, lěc cośo potencielnje njewitanu abo njewšednu software ześěgnuś, kótaraž mógła wirus wopśimowaś abo někake njewótcakane změny na wašom licadle pśewjasć.

   

4. Pśedłoga "closeoptionspreferences" njeeksistěrujo abo njama pśizwólonu wersiju.

Aby toś te funkcije znjemóžnił, slědujśo kšacam górjejce, aby se k woknoju Priwatnosć a wěstota wrośił a wótwónoźćo kokulki.

Co se stawa, gaž bok abo dataja se blokěrujo?

Firefox buźo bok pśi zacytowanju zajźowaś a pokažo warnowanje Wobšudne sedło za sedła z wopytami wobšuźenja, Bok z njewitaneju software k wěsći dane! za sedła z njewitaneju softwaru a Napadujuce sedło k wěsći dane! za škódne sedła.

Jolic škódnu software ześěgujośo abo drugu software, kótaraž jo potencielnje njewitana abo njewšedna, Firefox powěźeńku wo dataji w ześěgnjeńskem woknje pokažo.

Aby warnowanje ignorěrował a taku dataju ześěgnuł, klikniśo z pšaweju tastu na nju w ześěgnjeńskem woknje a wubjeŕśo Ześěgnjenje dowóliś.

Kótare informacije sćelu se na Mozilla abo jogo partnarje, gaž šćit pśed wopytami wobšuźenja a škódnymi programami jo zmóžnjony?

Firefox komunicěrujo dwójcy z partnarjami Mozilla, gaž šćit pśed wopytami wobšuźenja a škódnymi programami wužywa se za sedła. Prědny raz jo za pšawidłowne aktualizacije lisćinow sedłow z wopytami wobšuźenja a škódnymi programami. Pśi aktualizěrowanju lisćinow njesćelu se žedne informacije wó was abo sedłach, ku kótarymž sćo se woglědał. Drugi raz jo, gaž woglědujośo se k sedłoju z wopytami wobšuźenja abo škodnymi programami. Nježli až Firefox blokěrujo sedła, wótměa se dwójne pśespytowanje, aby zawěsćił, až k wěsći dane sydło njejo se wót slědneje aktualizacije z lisćiny wótwónoźeło. Toś to pśespytowanje njewopśimujo dopołnu adresu woglědanego sedła, wopśimujo jano źělne informacije, kótarež wótwóźuju se z adrese.

Pśidatnje k regularnej lisćinje aktualizacijow, kótaraž jo se górjejce naspomniła a se wužywa, aby ześěgnjone dataje pśed škódnymi programami šćitała, komunicěrujo Firefox z partnarjami Mozilla, aby wěstotu wěstych wugbajobnych datajow pśespytował. W takich padach buźo Firefox informacije wó dataji słaś, inkluziwnje mě, póchad, wjelikosć a krytpografisku testowańsku gódnotu (engelski hash) wopśimjeśa na słužbu wěstego pśeglědowanja Google słaś, kótaraž Firefox pomaga zwěsćiś, lěc dataja ma se blokěrowaś abo nic.

Pšawidła priwatnosći Mozilla wopisuju, kótare daty Firefox a Mozilla dostawatej a kak se z nimi wobchada. Pšawidła priwatnosći Google wujasnjuju, kak Google z nagromaźonymi datami wobchada.

Mógu wobkšuśiś, až mójo sedło jo wěste, kak mógu jo z lisćinow wótpóraś daś?

Jolic wašo sedło jo se znjewužyło, a wy sćo jo něnto pórěźił, abo jolic měniśo, až wašo sydło jo se zamólnje ako škódne k wěsći dało, móžośo wó to pšosyś, jo z lisćinow wótpóraś. Pózbuźujomy sedłowe wobsejźarje weto, rozpšawu dokradnje pśecytaś; sedło dajo se cesto bźez widobneje změny do škódnego sedła pśeměniś.

• Aby wó wótpóranje z lisćiny sedłow z wopytami wobšuźenja pšosył, wužywajśo toś ten formular, kótaryž Google staja k dispoziciji.