Z pomocu Firefox Lockwise a swójogo konta Firefox móžośo w Firefox skłaźone pśizjawjenja mjazy rědami synchronizěrowaś. Gaž sćo zmóžnił składowanje a awtowupołnjenje, daju se pśizjawjeńske daty awtomatiski zapisaś, gaž se k skłaźonemu sedłoju woglědujośo, kótarež ma skłaźone pśizjawjenje. Zgóńśo wěcej wó tom, kak móžośo toś te nastajenja změniś.

Skłaźone pśizjawjenja zmóžniś/znjemóžniś

1. Pótusniśo menijowy tłocašk.

2. Pótusniśo Nastajenja
3. Wubjeŕśo Pśizjawjenja a gronidła we wótrězku Powšykne.
4. Pótusniśo Pśizjawjenja a gronidła składowaś.
5. Wubjeŕśo jadnu ze slědujuceju móžnosćowu:
   • Pśed składowanim se pšašaś - Dowólujo wam rozsuźiś, kótare pśizjawjenja maju se składowaś.
   • Nigda njeskładowaś - Pśizjawjenja se njeskładuju a njedostanjośo napominanje je składowaś.

Pśizjawjenja pokazaś, kopěrowaś a lašowaś

To pśizjawjenja wopśimujo, kótarež sćo składł, mjaztym až sćo wužywał Firefox ako teke synchronizěrowane pśizjawjenja z Firefox na drugich rědach.

1. Pótusniśo menijowy tłocašk.

2. Pótusniśo Nastajenja
3. Wubjeŕśo Pśizjawjenja a gronidła we wótrězku Powšykne.
4. Pótusniśo Skłaźone pśizjawjenja. Musyśo snaź swóje rědowe gronidło zapódaś, aby se skłaźone pśizjawjeńske daty woglědał.
5. Pótusniśo jadno z pśizjawjenjow w lisćinje, aby jo pokazał abo kopěrował.
6. Pótusniśo symbol papjernika, aby wubrane pśizjawjenje wulašował. Jolic Sync wužywaśo, se toś to pśizjawjenje na wšych swójich synchronizěrowanych rědach wulašujo.

Pśizjawjenja synchronizěrowaś

Gaž toś to nastajenje zmóžnjaśo, maśo pśistup k pśizjawjenjam na wšych synchronizěrowanych rědach.

1. Pótusniśo menijowy tłocašk.

2. Pótusniśo Nastajenja
3. Wubjeŕśo Pśizjawjenja a gronidła we wótrězku Powšykne.
4. Pótusniśo Pśizjawjenja synchronizěrowaś.
5. Pśewjeźćo slědujuce kšace na wobrazowce, aby swój rěd pśez QR-kod abo e-mailowe pśizjawjenje koplował.
6. Móžośo mě rěda pokazaś, gaž slědna synchronizacija jo se wótměła, a teke wubraś, kótare daty maju se synchronizěrowaś.