Thunderbird
Thunderbird
Napórany:
Napórany:
Lěc se menijowa rědka Thunderbird pokazujo, wótwisujo wót wašogo źěłowego systema.
Za wužywarje Windows a Linux dajo dwa pada:
- Jolic menijowa rědka za eksistěrujuce wužywarje felujo, jo se zwětšego zamólnje schowała.
- Za nowe wužywarje Thunderbird jo, zachopinajucy z wersiju Thunderbird wót nowembra 2012 a nowšymi, menijowa rědka pó standarźe schowana.
Za wužywarje Mac njejo móžno menijowu rědku schowaś, togodla wužywarje Mac menijowu rědku pśecej wiźe.
Schowana menijowa rědka
Jolic wersiju Thunderbird wužywaśo, kótaraž jo se wózjawiła w nowembrje 2012 abo pózdźej, maśo něnto menijowy tłocašk w rožku górjejce napšawo, kótaryž nejwažnjejše funkcije wopśimujo a je do jadnogo menija staja. Za nowe wužywarje jo menijowa rědka pó standarźe schowana.
- Aby menijowu rědku nachylu pokazował, tłocćo jadnorje tastu Alt.
- Aby menijowu rědku nachylu pokazował, tłocćo jadnorje tastu F10.
- Aby menijowu rědku stawnje pokazował, klikniśo z pšaweju tastu na prozny wótrězk rejtarikoweje rědki a stajśo kokulku pśed we wuskokujucem meniju.
