Gaž pśeglědujośo web, markujo se Firefox wjele informacijow za was – sedła, ku kótarymž sćo se woglědał, dataje, kótarež sćo ześěgnuł a wěcej. Toś te informacije pomjenjuju se historija. Jolic pak wužywaśo zjawne licadło abo źěliśo licadło z někim, njoćośo snaź, až druge luźe wiźe toś te informacije.

Toś ten nastawk wujasnjujo, kótare informacije Firefox składujo w swójej historiji a dajo wam rozpokazanje kšac pó kšacu, kak móžośo wšykne toś te informacije abo jano źěl z nich lašowaś.

• Aby Firefox nachylu pśestał, historiju składowaś, cytajśo pšosym Priwatny modus - Firefox wužywaś, mimo až historija se składujo.

Co historija wopśimujo?

• Pśeglědowańska a ześěgnjeńska historija: Pśeglědowańska historija jo lisćina sedłow, ku kótarymž sćo se woglědał a kótarež se w meniju Historija, w lisćinje Historija biblioteki, a w lisćinje awtowudopołnjenja adresowego póla pokazuju. Ześěgnjeńska historija jo lisćina datajow, kótarež sćo ześěgnuł a kótarež se we woknje ześěgnjenjow pokazuju.
• Formularna a pytańska historija: Formularna historija wopśimujo zapiski, kótarež sćo do formularow na webbokach za awtowudopołnjenje formularow zapódał. Pytańska historija zapiski wopśimujo, kótarež sćo zapódał do pytańskego póla boka nowego rejtarika abo do pytańskego póla Firefox.
• Cookieje: Cookieje składuju informacije wó websedłach, ku kótarymž se woglědujośo, na pśikład nastajenja sedła abo pśizjawjeński status. Cookieje daju se teke wót tśeśich póbitowarjow wužywaś, aby was pśez sedła slědowali. Za dalšne informacije wó slědowanju. Glejśo Funkciju Njeslědowaś zmóžniś, aby wěcej wó slědowanju zgónił.
• Aktiwne pśizjawjenja: Jolic sćo zapódał wužywaŕske mě a gronidło za sedło, kótarež HTTP zakładnu awtentifikaciju wužywa, wót togo, až sćo wócynił Firefox slědny raz, se toś to pśizjawjenje za „aktiwne“ naglědajo. Gaž jo lašujośo, buźośo se wót wšych sedłow wótzjawjaś, kótarež toś tu awtentifikacisku metodu wužywaju. Njebuźośo se wót websedła wótzjawjaś, kótarež cookieje wužywaju, aby pśizjawjeński status składowali.
• Pufrowak: Pufrowak składujo nachylne dataje, ako na pśikład webboki a druge medije online, kótarež jo Firefox z interneta ześěgnuł, aby zacytowanje bokow a sedłow póspěšował, kótarež sćo se južo woglědał. Za dalšne informacije glejśo Kak móžośo pufrowak wuprozniś.
• Daty websedłow offline: Jolic sćo to dowólił, móžo websedło dataje na wašom licadle składowaś, aby wy mógał je dalej wužywaś, gaž njejsćo z internetom zwězany.
• Sedłowe nastajenja: Nastajenja wěstych sedłow, na pśikład skłaźony skalěrowański schójźeńk za sedła, koděrowanje znamuškow a pšawa za sedła (na pś. wuwześa za blokěrowanje wuskokujucych woknow) wopisane we woknje Info wó boku.

Kak mógu swóju historiju lašowaś?

1. Klikniśo na menijowy tłocašk Wobraz "fx57menu" njeeksistěrujo., aby menijowe wokno wócynił. Klikniśo na tłócašk biblioteki w swójej symbolowej rědce. (Jolic ju tam njewiźiśo, klikniśo na menijowy tłocašk Wobraz "fx57menu" njeeksistěrujo. a pótom na Bibliotekaklikniśoc na menijowy tłocašk Wobraz "fx89menuButton" njeeksistěrujo..)
2. Klikniśo na Historija a wubjeŕśo Aktualnu historiju wuprozniś….
3. Wubjeŕśo, wjele z historije cośo lašowaś:
   • Klikniśo na wuběrański meni pódla Cas za wuproznjenje, aby wubrał, wjele ze swójeje historije cośo wulašowaś (zachadna góźina, zachadnej dwě góźinje, zachadne styri góźiny, źinsa abo wšykno).

   

   • Wužywajśo kontrolne kašćiki, aby wubrał, kótare informacije cośo ze swójeje historije wulašowaś. Waše wuběrki se górjejce we wótrězku Co historija wopśimujo? wopisuju.
4. Klikniśo na tłocašk W pórěźe. Wokno se zacynija a zapiski, kótarež sćo wubrał, se z wašeje historije lašuju.

Kak mógu swóju historiju awtomatiski lašowaś daś?

Jolic musyśo swóju historiju kuždy raz lašowaś, gaž wužywaśo Firefox, móžośo nastajiś, až historija se awtomatiski lašujo, gaž kóńcyśo Firefox. Tak njamóžośo to nigda zabyś.

1. Klikniśo w menijowej rědce górjejce na wobrazowce na Firefox a wubjeŕśo Nastajenja. Klikniśo na menijowy tłocašk a wubjeŕśo NastajenjaNastajenja.Klikniśo na menijowy tłocašk a wubjeŕśo Nastajenja.

2. Wubjeŕśo wokno Priwatnosć a wěstota a źiśo do wótrězka Historija.

3. Wubjeŕśo we wuběrańskem meniju pódla Firefox buźo Swójske nastajenja za historiju wužywaś.
4. Klikniśo do kašćika pódla Historiju wuprozniś, gaž Firefox se zacynja.

   

5. Aby pódał, kótare typy historije maju se lašowaś, klikniśo na tłocašk Nastajenja... pódla Historiju wuprozniś, gaž Firefox se zacynja.
6. Wubjeŕśo we woknje Nastajenja za wuproznjenje historije zapiski, kótarež cośo kuždy raz awtomatiski lašowaś daś, gaž kóńcyśo Firefox.#;

   

7. Za tym až sćo zapiski historije wubrał, kótarež cośo lašowaś, klikniśo na W pórěźe, aby wokno Nastajenja za wuproznjenje historije zacynił.
8. Zacyńśo bok about:preferences. Wšykne změny, kótarež sćo pśewjadł, budu se awtomatiski składowaś.

Glědajśo: Pód wěstymi wuměnjenjami to njefunkcioněrujo:

• Firefox njejo se normalnje zacynił. Jolic se Firefox wowalujo, musyśo Firefox znowego startowaś a normalnje skóńcyś, aby zawěsćił, až to funkcioněrujo.
• Firefox awtomatiski priwatny modus wužywa. Historija, kótaraž jo se składła w normalnych pósejźenjach, dajo se jano z normalneho wokna wulašowaś. Aby mjazy normalnym modusom a awtomatiskim priwatnym modusom pśešaltował, glejśo Priwatny modus - Firefox wužywaś, mimo až historija se składujo.

Jadnotliwe websedło z wašeje historije wótwónoźeś

1. Klikniśo na menijowy tłocašk Wobraz "fx57menu" njeeksistěrujo., aby menijowe wokno wócynił. Klikniśo na tłócašk biblioteki w swójej symbolowej rědce. (Jolic ju tam njewiźiśo, klikniśo na menijowy tłocašk Wobraz "fx57menu" njeeksistěrujo. a pótom na Bibliotekaklikniśoc na menijowy tłocašk Wobraz "fx89menuButton" njeeksistěrujo..) Klikniśo na Historija a pótom na rědku Wšu historiju pokazaśHistoriju zastojaś dołojce, aby wokno biblioteki wócynił.
2. Aby za websedłom pytał, kótarež cośo z historije wótpóraś, zapódajśo jogo mě do póla Historiju pśepytaś górjejce napšawo a tłocćo pótom ↩Return.
3. Klikniśo pótom z pšaweju tastuŹaržćo pótom tastu Strg tłoconu, mjaztym až kliknjośo w pytańskich wuslědkach na sedło, kótarež cośo wótpóraś a wubjeŕśo Toś to sedło zabyś.
   Wšykne elementy historije (pśeglědowaska a źeśěgnjeńska historija, cookieje, pufrowak, aktiwne pśizjawjenja, gronidła, skłaźone formularne daty, wuwześa za cookieje, wobraze, wuskokujuce wokna) za toś to sedło se wótpóraju.

   

4. Zacyńśo na kóńcu wokno biblioteki.