Slědny raz zaktualizěrowany:
Dialog rozpšawjaka wowalenjow Mozilla se pokazujo, gaž se Firefox ned zacynja a wam zmóžnja, wuwijarjam wowaleńsku rozpšawu pósłaś, aby se pśichodne wersije Firefox mjenjej cesto wowalowali. Toś ten nastawk wopisujo, kak funkcioněrujo a pokazujo wam, kak maśo pśistup na swóje wowaleńske rozpšawy.
- Za naraźenja, kak móžośo wowalenjam Firefox zajźowaś, glejśo Firefox se wowalujo - co cyniś?.
Zapis wopśimjeśa
Gaž Firefox se wowalujo
Pó wowalenju Firefox rozpšawjak wowalenjow Mozilla se pokažo.
Informěrujśo Mozilla wó toś tom wowalenju, aby mógał jen wótpóraś: Jolic toś ten kašćik jo zmóžnjony, pósćelo rozpšawjak wowalenjow Mozilla zespominanje wowalenja na Mozilla. Wótpórajśo kokulku z kašćika, jolic njocośo Mozilla rozpšawu pósłaś.
: Wócynijo wokno „Wopśimjeśe rozpšawy“, źož móžośo se techniske drobnostki wó wowalenju woglědaś.
Komentar pśidaś (komentary su zjawnje widobne): Wužywajśo toś ten kašćik, aby dalšne informacije pśidał, kótarež by mógli za wuwijarje wužytne byś, aby zawinu wowalenja namakali. Komentary, kótarež sćelośo, daju se wót kuždego cytaś.
Adresu boka zasajźiś, na kótaremž som był: Jolic toś to nastajenje jo zmóžnjone, budu informacije, kótarež sćelośo Mozilla, webbok wopśimowaś, ku kótaremuž sćo se woglědał pśed wowalenim.
Firefox spušćiś: Zacyńśo dialog a skóńcćo Firefox.
Firefox znowego startowaś: Startujśo Firefox znowego. Firefox dajo wam móžnosć, wokna a rejtarki wótnowiś, kótarež su pśed wowalenim wócynjone byli. Jolic Firefox se zasej wowalujo, za tym až sćo kśěł wokna a rejtarki wótnowiś, jo jadna z bokow, ku kótaremuž sćo se woglědał, wowalenje zawinował. Wubjeŕśo w toś tom paźe .
Wowaleńske rozpšawy se woglědaś
Aby se swóje wowaleńske rozpšawy z Firefox woglědał:
- Zapódajśo about:crashes do adresowego póla a tłocćo ↩↩. Lisćina wowaleńskich rozpšawow se pokažo.
- Klikniśo na tłocašk , aby se rozpšawu woglědał.
Rozpšawy zwenka Firefox se woglědaś
Jolic njamóžośo górnu metodu wužywaś, dokulaž Firefox se wowalujo, gaž se startujo, móžośo se teke rozpšawy w datajach na swójom licadle woglědaś. Pśewjeźćo za to slědujuce kšace:
- Tłocćo +R na tastaturje. Dialog Ausführen se wócynijo.
- Zapódajśo %APPDATA%\Mozilla\Firefox\Crash Reports\ do dialogowego póla „Ausführen“ a tłocćo ↩.
Wowaleńske rozpšawy składuju se w ~/Library/Application Support/Firefox/Crash Reports/ (Źaržćo na Mac OS X 10.7 tastu alt ⌥ tłoconu, aby schowane zarědniki pokazał, mjaztym až wócynjaśo meni w Finder a pótom wuběraśo Library).
Wowaleńske rozpšawy składuju se w ~/.mozilla/firefox/Crash Reports/.
Zarědnik Crash Reports buźo dwa pódzarědnika wopśimowaś: pending a submitted. Zarědnik submitted wopśimujo tekstowe dataje za kuždu wowaleńsku rozpšawu, kótaruž sćo wótpósłał. Kužda z toś tych datajow wopśimujo ID wowaleńskeje rozpšawy. Na pśikład: Dataja z mjenim bp-031b02bb-26b6-4168-ac0e-2de492090531.txt buźo slědujucy tekst wopśimowaś:
ID wowalenja: bp-031b02bb-26b6-4168-ac0e-2de492090531
Móžośo se k https://crash-stats.mozilla.com/ woglědaś a wowaleński ID do pytańskego póla kopěrował, aby se rozpšawu woglědał.
Pomoc za wowaleńske rozpšawy dostaś
Jolic cośo swóju wowaleńsku rozpšawu wužywał, aby pomoc za waš problem Firefox dostał, cytajśo Firefox se wowalujo - co cyniś?.
