Smy dostali powěźeńki wót wjele wužywarjow, kótarež su mólili w jich pśeglědowanskem dožywjenju a kótarež su pósrědnili na sfalšowany bok, kótaryž twarźi, až „wažnu“, „nuznu“ abo „kritisku“ aktualizaciju póbitujo. Někotare luźe su teke dali k wěsći, až su wiźeli wabjenje, kótarež was napomina, aktualizaciju Firefox ześěgnuś, abo wustupowanja sfalšowanych bokow z powěźeńku „Firefox manuelnu aktualizaciju trjeba“, kótarež wopytuju je zawjasć, škódne rozšyrjenje instalěrowaś. To jo wobšudna maša, kótaraž wopytujo was zawjedowaś, škódne programy instalěrowaś!

Co jo sfalšowana powěźeńka wó aktualizaciji Firefox?

Pó našom znaśu sfalšowane powěźeńki wó aktualizacijach maju formu škódnego wabjenja (nimski). Toś te sfalšowane powěźeńki se pśez kod zapušćiju, kótaryž jo we wabjenju wopśimjony, kótarež se na howac serioznych websedłach pokazujo, ku kótarymž se woglědujośo, a se pśez wabjeńske seśi rozšyrjaju.

To jo pśikład, kak taka sfalšowana powěźeńka wó aktualizaciji Firefox mógła wuglědaś. Góspoduju se na pśidatnje napóranych a malsnje se změnjajucych domenach:

Firefox ma awtomatizěrowany slězynow aktualizěrowański mechanizm, kótaryž was nigda njenapomina, dataju manuelnje ześěgnuś a wuwjasć, snaźkuli jo powěźeńka Heartbeat („dybot wutšoby“, glejśo dołojce). Móžośo pśecej manuelnje za aktualizacijami Firefox pytaś - aby zgónił, kak, glejśo Firefox na nejnowšu wersiju aktualizěrowaś.

Powěźeńki Heartbeat

Jolic Firefox startujośo a zdźěleńsku rědku ze symbolom Heartbeat , powěźeńku Waš Firefox jo zestarjony. Aktualizacija jo nuznje trjebna, aby wěsty wóstał a tocašk Něnto aktualizěrowaś wiźiśo, jo to legitimna powěźeńka wó aktualizaciji Firefox a wy měł Firefox aktualizěrowaś. Aby wěcej wó funkciji „Heartbeat“ zgónił, glejśo nastawk Rate your Firefox experience, surveys and out of date messages (Heartbeat) a toś ten wikibok Mozilla.

Co móžośo cyniś, jolic na sfalšowanu aktualizacisku powěźeńku starcyjośo?

1. Njeklikniśo nidgda na toś te sfalšowane aktualizaciske powěźeńki.
2. Njeskładujśo, njewócyńśo a njewuwjeźćo nigda njekazane dataje!
3. Instalěrujśo dodank za blokěrowanje wabjenja wót addons.mozilla.org, aby se takego škódnego wabjenja w pśichoźe wobinuł.
4. Dajśo sedłoju Google za webwobšudu webwobšudy k wěsći.

Co móžośo cyniś, aby škódnym programam na swójom licadle zajźował?

1. Skannujśo za škódnymi programami na swójom licadle, aby zawěsćił, až wašo licadło njejo inficěrowane. (Glejśo Problemy Firefox rozwězaś, kótarež zawinuju se pśez škódne programy.)
2. Wobini se w pśichoźe ześěgnjenjow z njespušćobnych žrědłow.
3. Wužywajśo Slědowański šćit w priwatnem modusu (pó standarźe zmóžnjony w priwatnem modusu).

Zgóńśo wěcej wó škódnych programach

• „Schadprogramm“ – Wikipedia
• „Verhindern und Entfernen von Viren und anderer Schadsoftware“ – Microsoft
• „Viren-Glossar“ – Avira
• „Malware-Klassifizierungen“ – Kaspersky

Sfalšowane aktualizacije teke za druge woblubowane wobglědowaki daju. Lěcrownož njamóžomy kuždego škódowarja w interneśe wukórjeniś, pókšacujomy w pólěpšowanju wótwóborańskich napšawow Firefox pśeśiwo škódnym programam. Gaž wěsćo, kak móžośo take wobšudy spóznaś a k wěsći daś, nam pomagaśo, internet wótwórjony a wěsćejšy źaržaś.