Firefox za Android wam zmóžnja, standardnu pytnicu pśidaś, wótwónoźeś a změniś. Su wšake pytnice, kótarež móžośo wubraś, na pśikład Google a Bing. Móžośo teke druge pytnice manuelnje pśidaś a jadnu z nich ako standardnu pytnicu nastajiś.

Standardnu pytnicu změniś

1. Pótusniśo menijowy tłocašk.

2. Pótusniśo Nastajenja (musyśo snaź nejpjerwjej Wěcej pótusniś) .
3. Wubjeŕśo wótrězk Powšykne a pótusniśo Pytaś.
4. Pótusnisó jaden z opciskich tłocaškow, aby swóju standardnu pytnicu wubrał.

Pytnicu za jadnotliwe pytanje změniś

1. Pótusniśo pytańske pólo, aby pytanje zachopił.

   

2. Pótusniśo Pytnica.

   Lisćina pytnicow se zjawijo.

3. Wubjeŕśo pytnicu, kótaruž cośo za toś to pytanje wužywaś.

   To wašu standardnu pytnicu njezměnijo.

Pytańske nastajenja wobźěłaś

1. Pótusniśo menijowy tłocašk.

2. Pótusniśo Nastajenja.
3. Pótusniśo Pytaś z wótrězka Powšykne.
4. Zmóžniśo we wótrězku Adresowe pólo jadno abo někotare ze slědujucych nastajenjow:
   • Pytnice pokazaś: Pokazujo waše pytnice, gaž adresowe pólo pótusnjośo a zmóžnja wam, drugu pytnicu ako standardnu pytnicu wužywaś.
   • Narázenja z mjazywótkłada pokazaś: Jolic sćo kopěrował wótkaz ako slědnu wěc do mjazywótkłada, se nastajenje „Wótkaz z mjazywótkłada zasajźiś“ pokazujo, gaž se adresowe pólo w nowem rejtariku pótusnjośo.
   • Pśeglědowańsku historiju pśepytaś: Zapśimujo teke pśeglědowańsku historiju do pytanjow z adresowego póla.
   • Cytańske znamjenja pśepytaś: Zapśimujo cytańske znamjenjow do pytanjow z adresowego póla.
   • Pytańske naraźenja pokazaś: Pokazujo pytańske naraźenja z wašeje standardneje pytnice, gaž URL abo klucowe słowo do adresowego póla zapódawaśo.
   • W priwatnych pósejźenjach pokazaś: Pokazujo pytańske naraźenja, gaž w priwatnych pósejźenjach z adresowego póla pytaśo.

Pytnicu pśidaś

1. Pótusniśo menijowy tłocašk.

2. Pótusniśo Nastajenja.
3. Pótusniśo Pytaś we wótrězku Powšykne.
4. Pótusniśo Pytnicu pśidaś.

   Lisćina dalšnych pśeddefiněrowanych pytnicow se pokažo.

5. Pótusniśo opciski tłocašk Druge, aby pytnicu pśidał, kótaraž hyšći njejo w pśeddefiněrowanej lisćinu a cyńś slědujuce:
   • Zapódajśo mě za pytnicu do tekstowego póla Mě.
   • Zapódajśo pytański wuraz (URL z parametrom) do tekstowego póla Pytański wuraz, kótaryž se ma wužywaś.
6. Pótusniśo wobkšuśeński tłocašk górjejce napšawo na wobrazowce.

   Jolic pytański wuraz jo ako njepłaśiwy markěrowany, se zmólkowa powěźeńka pokažo, aby wam pomagała, płaśiwy URL pódaś.

Pšosym zawěsććo, až se napšašowański wuraz z “%s” wuměnja, na pśikład:
https://www.google.com/search?q=%s
https://www.startpage.com/sp/search?q=%s
https://www.ecosia.org/search?q=%s

Jolic njewěsćo, kótary pytański wuraz musyśo za wěstu pytnicu wužywaś, móžośo se w nowem rejtariku k jeje websedłoju woglědaś, pytanje pśewjasć a namakany URL ako referencu wužywaś. Jolic se na pśikład k ecosia.org woglědujośo a za firefox pytaśo, buźo namakany URL w adresowem pólu https://www.ecosia.org/search?q=firefox. Pytański wuraz musy pótom https://www.ecosia.org/search?q=%s byś. Napšašowanje se z "%s" wuměnja.

Pytnica se pśeddefiněrowanej lisćinje pytnicow w alfabetiskem pórěźe pśidawa.

Pytnicu wótwónoźeś

1. Pótusniśo menijowy tłocašk.

2. Pótusniśo Nastajenja.
3. Pótusniśo Pytaś we wótrězku Powšykne .
4. Pótusniśo tśi dypki napšawo pódla pytnice.
5. Pótusniśo Lašowaś.

Pytnica se něnto wěcej w lisćinje njepokazujo. Dołojce na wobrazowce se wobkšuśenje pokazujo. Móžośo ANULĚROWAŚ pótusnuś, jolic cośo pytnicu zasej pśeddefiněrowanej lisćinje pśidaś. Toś ta pytnica se teke něnto pód Pytnicu pśidaś zjawijo, jolic cośo ju pózdźej zasej pśidaś.