Napórany:
Thunderbird dajo se konfigurěrowaś, aby njepósrědnje ze słužbu Google Gmail gromadu źěłał. Powěsći se mjazy wašeju lokalneju wersiju Thunderbird a Gmail, kótaryž na webje bazěrujo, synchronizěruju.
Zapis wopśimjeśa
Wašo konto Gmail konfigurěrowaś
Aby Thunderbird konfigurěrował, aby z Gmail gromadu źěłał, zmóžniśo nejpjerwjej IMAP w swójom konśe Gmail. Glejśo Gmail-Nachrichten über andere E-Mail-Clients empfangen za pomoc. (IMAP se w nowych kontach Gmail pó standarźe zmóžnja.)
Pśeglědajśo dwójcy, lěc ten „Pśistup k mjenjej wěstym nałoženjam“ jo zmóžnjony. Glejśo nastawk Google wó „mjenjej wěstych nałoženjach“ za pomoc.
Wubjeŕśo pón . Dialog „Konfigurěrowanje konta“ se zjawijo. Za tym až sćo zapódał swóje kontowe informacije (napšawdne mě, e-mailowu adresu a gronidło), Thunderbird waš zwisk Gmail awtomatiski konfigurěrujo. Klikniśo na , pśizjawśo se pla swójogo konta Google, jolic napominanje dostawaśo a to jo wšykno! Thunderbird waše eksistěrujuce powěsći ześěgnjo a waš Gmail buźo gótowy za wužywanje.
Za nadrobnjejše informacije cytajśo pšosym:
- Awtomatiska kontowa konfiguracija
- Gmail-Nachrichten über andere E-Mail-Clients empfangenl
- E-Mail-Clients (POP/IMAP)
Wósebnosći Gmail
Powěsći archiwěrowaś
Aby ze zaźarženim Gmail konsistentny był, archiwěrujo Thunderbird wašu powěsć w zarědniku „Alle Nachrichten“ a nic w zarědniku "Archiw" ako wón za druge konta cyni (glejśo nastawk Archived Messages).
Źiwajśo na to, až tłocašk se za konta Gmail znjemóžnja, dokulaž w toś tom paźe njejo trjeba, někake nastajenja póstajiś.
Zarědniki aboněrowaś a powěsći synchronizěrowaś
Gmail-Labels a zarědniki Thunderbird rozměś
Gmail wósebnu implementaciju IMAP wužywa. W toś tej implementaciji budu Gmail-Labels zarědniki Thunderbird. Gaž label na powěsć we Gmail nałožujośo, Thunderbird zarědnik z mjenim labela załožyjo a składujo powěsć w tom zarědniku. Pódobnje, jolic powěsć do zarědnika w Thunderbird pśesunjośo, Gmail label z mjenim zarědnika napórajo a jen powěsći pśipokažo.
W slědujucem pśikłaźe zarědniki, kótarež su na samskej rowninje ako zarědnik „[Gmail]“ („g+“, „Wósobinski“, „Dokłady“, „Drogowanje“ a „Źěło“) labelam Gmail wótpowěduju.
Dajo teke sajźbu wósebnych pódzarědnikow za zarědnik „[Gmail]“:
- Alle Nachrichten: wopśimujo wšykne powěsći we wašom konśe Gmail, mjazy nimi pósłane a archiwěrowane powěsći. Powěsći, kótarež w dochaźe posta wiźiśo, se w zarědniku [Gmail]/Alle Nachrichten zjawiju.
- Entwürfe: wopśimujo nacerjeńske powěsći.
- Gesendet: wopśimujo pósłane powěsći.
- Spam: wopśimujo powěsći, kótarež su se markěrowali ako spam (pak pśez Gmail pak pśez Thunderbird).
- Markiert: wopśimujo powěsći, kótarež su se markěrowali z gwězdku (pak pśez Gmail pak pśez Thunderbird).
- Papierkorb: wopśimujo wulašowane powěsći.
- Wichtig: wopśimujo powěsći, kótarež jo Gmail wóznamjenił ako „wichtig“. (Glejśo E-Mails mit dem sortierten Eingang von Gmail organisieren za dalšne drobnostki wó toś tej funkciji Gmail.)
Zarědniki aboněrowaś abo wótskazaś (Labels)
Móžośo konfigurěrowaś, kótare zarědniki Gmail maju se w Thunderbird pokazaś. Pó standarźe se wšykne zarědniki Gmail pokazuju, ako górjejce wopisane. Aby pokazowanje zarědnikow konfigurěrował, klikniśo z pšaweju tastu na kontowe mě a wubjeŕśo .
Znjemóžniśo zarědniki, kótarež se njamaju w Thunderbird pokazaś. Powěsći se hyšći ześěguju a su w zarědniku „Alle Nachrichten“ k dispoziciji. Budu se teke do pytańskich wuslědkow zapśimowaś. Label Gmail (zarědnik Thunderbird) pak se njepokažo.
Zarědniki synchronizěrowaś (Labels)
Jolic cośo wšykne Gmail-labels a powěsći w Thunderbird wiźeś, ale se lubjej wobinuś, až se wšykne powěsći na wašom systemje ześěguju, cośo snaź synchronizaciske nastajenja pśiměriś. To wam zmóžnja póstajiś, kótary zarědnik ma se synchronizěrowaś. Jolic zarědnik njesynchronizěrujośo, buźo se hyšći głowa powěsći w Thunderbird pokazowaś, ale wopśimjeśe powěsći se jano ześěgnjo, gaž na głowu powěsći klikaśo.
Aby změnił, kak se powěsći ześěguju, póstajśo synchronizaciske nastajenja za konto a za jadnotliwe zarědniki. () Glejśo IMAP-synchronizacija za dalšne informacije.
Wužytne dodanki
- Jolic cośo swóje kontakty mjazy Thunderbird a Gmail synchronizěrowaś, wy měł pak dodank Google Contacts abo dodank gContactSync wopytaś.
- Jolic cośo swój kalender mjazy Lightning a Google Calendar synchronizěrowaś, wy měł Using Thunderbird with Google Calendar cytaś.
- Flat Folder Tree jo wužytny, aby wšykne pódzarědniki zarědnika IMAP [Gmail] na rozdźěl wót drugich zarědnikow na samskej rowninje pokazał.
- Gmail Buttons wólažcujo pśesunjenje powěsćow do zarědnikowu Papierkorb a Spam. Betawersija teke wšykne Gmail-labels za kuždu powěsć pokazujo.
