Drastwa (engelski: theme) jo typ dodanka Firefox, kótaryž změnja wenkowny naglěd Firefox. Toś ten nastawk wopisujo, kak móžośo drastwy w Firefox namakaś, instalěrowaś a zastojaś.

Co drastwy su?

Drastwa wenkowny naglěd Firefox změnja, na pśikład barwowu šemu a slězynowy wobraz symbolowych rědkow. Barwowa šema menijow a zatwarjonych bokow buźo slědowaś, za tym až tekstowa barwa na wašej symbolowej rědce jo swětła abo śamna. Někotare websedła teke tej samskej barwowej šemje slěduju.

Firefox standardnu systemowu drastwu a opcionalnje swětłu, śamnu drastwu a drastwu Alpenglow sobu pśinjaso, a póbitujo opcionalne barwowe kombinacijebarwowe kombinacije za wobmgranicowany cas, ale móžośo pśecej nowe drastwy instalěrowaś.

Drastwy instalěrowaś

1. Klikniśo na menijowy tłocašk pótom na Dodanki a drastwy a wubjeŕśo Dopórucenja abo drastwy.
2. Kulniśo pó naraźonych drastwach abo woglědajśo se k addons.mozilla.org, aby wěcej drastwow pśeglědował.
3. Klikniśo na awtora drastwy, aby wěcej wó nim zgónił.
4. Klikniśo na tłocašk + Drastwu instalěrowaś.

   

   • Aby drastwu z addons.mozilla.org instalěrował, klikniśo na drastwu a wubjeŕśo tłocašk + Drastwu instalěrowaś na wótpowědnem boku.

   

5. Firefox ześěgnjo požedanu drastwu a dajo wam snaź k wěsći, až jo se zainstalěrowała.

Drastwy zastojaś

Klikniśo na menijowy tłocašk pótom na Dodanki a drastwy a wubjeŕśo Drastwy.

• Drastwa, kótaraž se rowno wužywa, se górjejce pód Zmóžnjony pokažo.
• Druge k dispoziciji stojece drastwy se pód nim pód ZnjemóžnjonySkłaźone drastwy nalicyju.

Drastwu na standard slědk stajiś

1. Klikniśo na menijowy tłocašk pótom na Dodanki a drastwy a wubjeŕśo Drastwy.
   • Jolic drastwa pód Zmóžnjony jo opcionalna abo pśidana drastwa, změjo nastajenje Znjemóžniś.
2. Klikniśo na Znjemóžniś. Standardna systemowa drastwa se zmóžnijo.

Drastwy pśešaltowaś

1. Klikniśo na menijowy tłocašk pótom na Dodanki a drastwy a wubjeŕśo Drastwy.
2. Kulniśo pó lisćinje drastwow.
3. Klikniśo na Zmóžniś, aby tu drastwu wužywał.

   

Drastwy wótwónoźeś

Aby zainstalěrowanu drastwu wótwónoźeł, kótaruž sćo pśidał do togo Firefox:

1. Klikniśo na menijowy tłocašk pótom na Dodanki a drastwy a wubjeŕśo Drastwy.
2. Klikniśo na tśidypkowy symbol, kótaryž se za drastwu pokazujo, kótaruž cośo wótwónoźeś a wubjeŕśo Wótwónoźeś.

   

Jolic njamóžośo drastwu wótwónoźeś, glejśo Cannot remove an add-on (extension or theme).

Rozwězowanje problemow

• Jolic maśo problem z Firefox, zawinujo se to snaź pśez wašu drastwu abo pśez gromadustatkowanje drastwy z drugimi dodankami. Za instrukcije wó rozwězowanju problemow glejśo Problemy z rozšyrjenjami, drastwami a hardwarowym póspěšenim rozwězaś.
• Jolic njamóžośo drastwu instalěrowaś, glejśo Unable to install add-ons (extensions or themes).