Zastojnik gronidłow - skłaźone gronidła w Firefox se spomnjeś, lašowaś, změniś a importěrowaś

Toś ten nastawk jo snaź zestarjony.

Wažna změna jo se na engelskem nastawku pśewjadła, na kótaremž toś ten pśełoženy nastawk bazěrujo. Daniž toś ten bok se njeaktualizěrujo, wam snaź to pomaga: Password Manager - Remember, delete and edit logins and passwords in Firefox

Firefox Firefox Slědny raz zaktualizěrowany:

Firefox waše wužywaŕske mjenja a gronidła wěsće składujo, aby pśistup k websedłam měł a zapisujo je pótom awtomatiski za was, gaž se k websedłoju pśiducy raz woglědujośo zmóžnja wam, waše skłaźone pśizjawjenja z jogo zatwarjoneju funkciju za zastojanje gronidłow zastojaś. Toś ten nastawk buźo wam pokazowaś, kak móžośo swóje pśizjawjenja w Firefox składowaś, se woglědaś, wobźěłas, zastojaś, wótwónoźeś a šćitaś a teke kak móžośo toś tu funkciju znjemóžniś.

Glědajśo: Na Mac a Windows, jo snaź awtentifikacija pśez źěłowy system trjebna, gaž cośo z pomocu tłocaškow Wobźěłaś, Kopěrowaś abo „Pokazaś“ („wócny“ symbol) pśistup k skłaźonym gronidłam dostaś. To pśizjawjeńske daty wašogo konta Firefox njejsu; glejśo Secure Firefox passwords with device sign-in za dalšne informacije.

Wužywaŕske mjenja a gronidła składowaś

Gaž wužywaŕske mě a gronidło zapódawaśo, kótarejž hyšći njejsćo składł za websedło, buźo se Firefox pšašaś, lěc cośo, až se składujotej.

FF70 Password

Pokaz: Składowański dialog se schowajo, gaž zwenka njogo klikaśo. Aby jen zasej pokazał, klikniśo jadnorje na klucowy symbol nalěwo w adresowem pólu. Jolic Firefox was njenapomina, gronidła skladowaś, glejśo nastawk Usernames and passwords are not saved.

W składowańskem dialogu móžośo wóliś:

  • Až Firefox składujo wašo wužywaŕske mě a gronidło Klikniśo na Składowaś. Pśiducy raz, gaž wogědujośo se k websedłoju, buźo Firefox wašo wužywaŕske mě a gronidło awtomatiski za was zapisowaś.
    • Jolic sćo składł wopacne wužywaŕske mě abo gronidło, zapišćo pšawe wužywaŕske mě abo gronidło a Firefox buźo was napominaś, jo składowaś. Aby nowe wužywaŕske mě a grondiło składował, klikniśo na Aktualizěrowaś.
  • Až Firefox nigda wužywaŕske mjenja a gronidła za aktualne websedło njeskładujo. Klikniśo wuběrański meni a wubjeŕśo Nigda njeskładowaś. Gaž pśizjawijośo se w pśichoźe pla websedła, Firefox njebuźo was napominaś, wužywaŕske mě a gronidło składowaś.
    • Jolic pak pózdźej swóje měnjenje změnjaśo, a cośo, až Firefox se was pšaša, lěc ma wužywaŕske mjenja a gronidła za toś to sedło składowaś, musyśo do wokna NastajenjaNastajenjaNastajenja Firefox hyś a zapisk sedła z lisćiny wuwześow z wokna Priwatnosć a wěstota wótwónoźeś.
  • Až składowanje wašogo wužywaŕskego mjenja a gronidła se tenraz pśeskokujo. Klikniśo na wuběrański meni a wubjeŕśo Njeskładowaś. Firefox buźo was napominaś, wašo wužywaŕske mě a gronidło pśiducy raz składowaś, gaž woglědujośo se k sedłoju.
Pokaz: Někotare websedła wam póbituju, až wóstanjośo na sedle pśizjawjony, gaž kliknjośo do kontrolnego kašćika na sedle. To jo funkcija websedła a buźo funkcioněrowaś, njeźiwajucy na to, lěc sćo składł swójo wužywaŕske mě a gronidło w Firefox abo nic.

Móžośo teke websedłowe pśizjawjenja manuelnje pśidaś. Klikniśo na menijowy tłocašk Fx57Menu a wubjeŕśo Pśizjawjenja a gronidłaGronidła. Wubjeŕśo tłocašk Nowe pśizjawjenje załožyś dołojce nalěwo na boku about:logins, aby adresu, pśizjawjenje a gronidło websedła pśidał.

Někotare konta za sedło zastojaś

Jolic maśo někotare konto za sedło, móžo Fiefox wšykne waše pśizjawjenja składowaś. Kuždy raz, gaž se pla sedła pśizjawjaśo, móžośo pśizjawjeńske informacije wubraś, kótarež Firefox ma wužywaś.

Dalšne pśizjawjeńske konto pśidaś: Aby pśidatne pśizjawjenje za sedło składował, zapódajśo pśizjawjeńske daty a klikniśo na Składowaś. Wužywajśo wuběrańsku šypku, aby lisćinu skłaźonych wužywaŕskich mjenjow za to sedło wiźeł. Móžośo teke zachopiś pisaś, aby wuslědki zagranicował.
Fx81AddLogins

Jolic sćo składł někotare pśizjawjenja za jadno websedło, buźo se lisćina wužywaŕskich mjenjow pokazowaś, gaž do pśizjawjeńskego póla klikaśo. Wubjeŕśo wužywaŕske mě, z kótarymž cośo se pśizjawiś.

saved logins 67
SavedLoginsFx81
Aby gronidła za wěste sedło pokazał, klikniśo do póla wužywaŕskego mjenja za toś to sedło, klikniśo pótom na Skłaźone pśizjawjenja pokazaś (glejśo górjejce).

Wužywaŕske mjenja a gronidła zastojaś

  1. Klikniśo na menijowy tłocašk Wobraz "fx57menu" njeeksistěrujo.Fx89menuButton, aby menijowe wokno wócynił.
  2. Klikniśo na Pśizjawjenja a gronidłaGronidła. Bok Firefox Lockwise about:logins se w nowem rejtariku wócynijo.
    fx72 lockwise remove loginsWobraz "fx96aboutlogins" njeeksistěrujo.

How móžośo se swóje skłaźone pśizjawjenja woglědaś, je kopěrowaś, je wobźěłaś abo je wótwónoźeś.

Glědajśo: Móžośo sedło, wužywaŕske mě abo gronidło w tekstowem pólu Pśizjawjenja pytaś zapódaś, aby pśizjawjenja filtrował, kótarež su nalěwo nalicone.

Za tym až sćo wubrał zapisk z lisćiny, móžośo slědujuce akcije wuwjasć:

  • Klikniśo na Kopěrowaś, aby wužywaŕske mě abo gronidło kopěrował.
  • Klikniśo na FF70 Unhide Password, aby gronidło pokazał.
  • Klikniśo na Wobźěłaś, aby wužywaŕske mě abo gronidło změnił.
  • Klikniśo na Wótwónoźeś, aby pśizjawjenje z Firefox wótwónoźeł.

Glejśo toś ten nastawk za dalšne informacije.

Wšykne skłaźone pśizjawjenja wótwónoźeś

  1. Klikniśo na menijowy tłocašk Wobraz "fx57menu" njeeksistěrujo.Fx89menuButton, aby menijowe wokno wócynił.
  2. Klikniśo na Pśizjawjenja a gronidłaGronidła.
  3. Klikniśo na tśidypkowy meni w górnem pšawem rožku.
  4. Wubjeŕśo Wšykne pśizjawjenja wótwónoźeś.
    remove logins 85

Pśizjawjeńske daty eksportěrowaś

Jolic cośo swóje wužywaŕske mjenja a gronidła zawěsćiś abo je do druego nałoženja pśesunuś, móžośo toś te daty do .csv-dataje (pśez komu źělone gódnoty) eksportěrowaś. Glejśo toś ten nastawk za dalšne informacije.

Waše gronidła šćitaś

Jolic to samske jadnore gronidło za wšykno wužywaś, buźośo wěcej napadojty za kšadnjenje identity. Nastawk Create secure passwords to keep your identity safe wam lažku metodu pokazujo, aby wěste gronidła napórał a swóje gronidła zastojał, ako górjejce wopisane, aby wam pomagał, wšykne składowaś.

Lěcrownož Firefox waše wužywaŕske mjenja a gronidła na wašej twardej plaśe w skoděrowanem formaśe składujo, móžo něchten z pśistupom k wužywaŕskemu profiloju wašogo licadła jo wiźeś abo wužywaś. Nastawk Use a Primary Password to protect stored logins and passwords wam pokazujo, kak móžośo tomu zajźowaś a šćitany wóstaś, gaž wašo licadło se zgubujo abo se kšadnjo.

Funkciju Firefox za zastojanje gronidłow znjemóžniś

Firefox móžo se pó standarźe wužywaŕske mjenja a gronidła spomnjeś. Aby swóje nastajenja změnił:

  1. Klikniśo w menijowej rědce górjejce na wobrazowce na Firefox a wubjeŕśo Nastajenja. Klikniśo na menijowy tłocašk Fx57Menu a wubjeŕśo NastajenjaNastajenja.Klikniśo na menijowy tłocašk Fx89menuButton a wubjeŕśo Nastajenja.

  2. Wubjeŕśo wokno Priwatnosć a wěstota a źiśo k wótrězkoju Pśizjawjenja a gronidła.
    Fx80settings-LoginsAndPasswords
    • Aby Firefox składowanje pśizjawjenjow a gronidłow za wěste websedło zawoborał, klikniśo na tłocašk Wuwześa… napšawo wót Pšašaś se, lěc se maju pśizjawjenja a gronidła składowaś a pśidajśo URL websedła.
    • Aby Firefox składowanje pśizjawjenjow a gronidłow za wšykne websedła zawoborał, wótwónoźćo kokulku pódla Pšašaś se, lěc se maju pśizjawjenja a gronidła składowaś.
  3. Zacyńśo bok about:preferences. Wšykne změny, kótarež sćo pśewjadł, budu se awtomatiski składowaś.
Glědajśo: Jolic nastajenje Pšašaś se, lěc se maju pśizjawjenja a gronidła składowaś jo se šerił, jo snaź za Firefox nastajony, až se nigda historija njemarkujo abo pśecej priwatny modus wužywa. Aby zasej normalnje pśeglědował, źiśo k swójim nastajenjam Priwatnosć a wěstota pód Historija a wótwónoźćo kokulku pódla Pśecej priwatny modus wužywaś, abo wubjeŕśo Se historiju spomnjeś z wuběrańskego menija a startujśo Firefox znowego.

Maśo problemy z wužywaŕskimi mjenjami a gronidłami?

Slědujuce nastawki budu wam pomagaś, móžne problemy z wužywaŕskimi mjenjami a gronidłami rozwězowaś:

Jo toś ten nastawk wužytny był?

Pšosym cakajśo…

Slědujuce wjelicne luźe su pomogli, toś ten nastawk pisaś:

milupo
Illustration of hands

Dobrowólnik

Rosćo a źělśo swóju kompetencu z drugimi. Wótegrońśo na pšašanja a pólěpšćo našu wědowu datowu banku.

Dalšne informacije