Gaž Firefox zwězujo z wěstym websedłom (URL zachopina se z "https://"), musy pśespytowaś, lěc certifikat, kótaryž websedło prezentěrujo, jo płaśiwy a lěc skoděrowanje jo mócne dosć, aby waša priwatnosć šćita se dosegajucy. Jolic to njedajo se pśespytowaś, Firefox pśestanjo, ze sedłom zwězowaś a pokažo wam zmólkowy bok z powěźeńku Warnowanje: Potencielne wěstotne riziko prědku.

Klikniśo na tłocašk Rozšyrjony…, aby zmólkowy kod a druge informacije wó toś tej zmólce wiźeł. Ceste zmólki se w toś tom nastawku wopisuju.

Co móžośo cyniś, jolic toś te zmólki wiźiśo?

Jolic powěźeńku Warnowanje: Potencielne wěstotne riziko prědku wiźiśo, móžośo slědujuce cyniś:

• Stajśo se z wobsejźarjom websedła do zwiska a pšosćo jogo, aby swój certifikat korigěrował.
• Klikniśo na Slědk (dopórucony) abo woglědajśo se k drugemu websedłoju.
• Jolic sćo w pśedewześowej seśi abo antiwirusowu software wužywaśo, stajśo se z teamami pomocy do zwiska a pšosćo je wó pomoc.

Za tym až sćo wiźeł zmólkowy kod a druge informacije wó zmólce, klikniśo na tłocašk Riziko akceptěrowaś a pókšacowaś, aby sedła na swójske riziko zacytał. To wěstotne wuwześe za certifikat websedła pśidajo.

MOZILLA_PKIX_ERROR _ADDITIONAL_POLICY_CONSTRAINT_FAILED

Toś ta zmólka pódawa, až certifikat websedła wěstotnym pšawidłam w certifikatowym programje certificěrowanišća Mozilla njewótpowědujo. Nejwěcej wobglědowakow, nic jano Firefox, ceertifikatam GeoTrust, RapidSSL, Symantec, Thawte a VeriSign njedowěriśo, dokulaž toś te certificěrowanišća njejsu slědowali wěstotnym praktikam w zajźonosći.

Wobsejźarje websedła muse ze swójim certificěroowanišćom gromadu źěłaś, aby problem z pšawidłami pórěźeli. Certifikatowy program certificěrowanišća Mozilla lisćinu pśichodnych akcijow pšawidłow nastupajucy certificěrowanišća wózjawja, kótaraž drobnostki wopśimujo, kótarež mógli wobsejźarjam websedła wužytne byś.

Za dalšne informacije glejśo pśinosk wěstotnego bloga Mozilla, Distrust of Symantec TLS Certificates (engelski).

SEC_ERROR_EXPIRED_ISSUER_CERTIFICATE

Certifikat buźo płaśiwy akle wót datuma (...)

Zmólkowy tekst pokažo teke aktualny datum a cas wašogo systema. Jolic stej wopak, stajśo swój systemowy zeger na źinsajšny datum a aktualny cas (klikniśo dwójcy na casowe pódaśe w nadawkowej rědce Windows), aby problem rozwězał. Dalšne drobnostki wo tom su w nastawku pomocy How to troubleshoot time related errors on secure websites k dispoziciji.

SEC_ERROR_EXPIRED_CERTIFICATE

Certifikat jo spadnuł datum (...).

Zmólkowy tekst pokažo teke aktualny datum a cas wašogo systema. Jolic stej wopak, stajśo swój systemowy zeger na źinsnajšny datum a aktualny cas (klikniśo dwójcy na casowe pódaśe w nadawkowej rědce Windows), aby problem rozwězał. Dalšne drobnostki wo tom su w nastawku pomocy How to troubleshoot time related errors on secure websites k dispoziciji.

SEC_ERROR_UNKNOWN_ISSUER

Certifikatoju se njedowěri, dokulaž wudawaŕ certifikata jo njeznaty.
Serwer njamógał pśigódne nachylne certifikaty słaś.
Pśidatny kórjenjowy certifikat musy se snaź importěrowaś.

Za wěcej wó tej zmólce cytajśo nastawk pomocy Kak móžośo zmólku „SEC_ERRTOR_UNKNOWN_ISSUER“ na wěstych sedłach rozwězaś.

MOZILLA_PKIX_ERROR_MITM_DETECTED

Certifikatoju se njedowěri, dokulaž wudawaŕ certifikata jo njeznaty.
Serwer njamógał pśigódne nachylne certifikaty słaś.
Pśidatny kórjenjowy certifikat musy se snaź importěrowaś.

MOZILLA_PKIX_ERROR_MITM_DETECTED jo wósebny pad zmólkowego koda SEC_ERROR_UNKNOWN_ISSUER, gaž napad muža w srjejźi jo se namakał.

Sćo snaź zmóžnił SSL-skannowanje w swójej wěstotnej software ako Avast, Bitdefender, ESET abo Kaspersky. Wopytajśo toś to nastajenje znjemóžniś. Dalšne drobnostki su w nastawku pomocy Kak móžośo zmólku „SEC_ERRTOR_UNKNOWN_ISSUER“ na wěstych sedłach rozwězaś k dispoziciji.

ERROR_SELF_SIGNED_CERT

Certifikat njejo dowěry gódny, dokulaž wudawaŕ sam jo jen signěrował

Samosigněrowane certifikaty šćitaju waše daty pśed wótsłuchowarjam, ale njegronje nic wó tom, chto jo dostawaŕ datow. To jo za intranetne websedła nałog, kótarež njejsu zjawnje k dispoziciji. Móžośo toś to warnowanje za take websedła ignorěrowaś. Dalšne drobnostki su w nastawku pomocy Kak móžośo zmólku „SEC_ERRTOR_UNKNOWN_ISSUER“ na wěstych sedłach rozwězaś k dispoziciji.

SSL_ERROR_BAD_CERT_DOMAIN

Firefox toś tomu sedłoju njedowěri, dokulaž certifikat wužywa, kótaryž njejo płaśiwy za toś to wěste sedło. Informacije, kótarež pśez toś to sedło sćelośo, mógli wobgrozone byś; nejlěpše, což móžośo cyniś, jo, se z wobsejźarjami websedła do zwiska stajiś, aby ten problem rozwězali.

SEC_ERROR_OCSP_INVALID_SIGNING_CERT

Sedło njejo korektnje skonfigurěrowane a pseglědowanje wěstoty njejo se raźiło. Jolic se k toś tomu sedłoju woglědujośo, mógli napadnowarje waše wósobinske daty ako gronidła, e-mailowe adrese abo drobnostki kreditowych kórtow kšadnuś.

Problem pla websedła lažy, a njamóžośo nic cyniś, aby jen rozwězał. Móžośo administratora websedła wó toś tom problemje informěrowaś.

Certifikatowa dataja jo wobškóźona

Wy by mógał teke certifikatowe zmólkowe powěźeńki wiźeś, gaž dataja we wašom profilowem zarědniku, kótaraž certifikaty składujo cert9.db jo wobškóźona. Wulašujśo toś tu dataju, mjaztym až Firefox jo zacynjony, aby ju znowego napórał:

1. Wócyńśo swój profilowy zarědnik:

   • Klikniśo na menijowy tłocašk , pón na Pomoc a wubjeŕśo Dalšne informacije za rozwězowanje problemowInformacije za rozwězowanje problemow.Wubjeŕśo z menija Pomoc Dalšne informacije za rozwězowanje problemowInformacije za rozwězowanje problemow. Rejtarik Informacije za rozwězowanje problemow se wócynijo.
   • Klikniśo pód wobceŕkom Zakłady nałoženja pódla profilowego zarědnikazarědnika na Zarědnik wócyniśW Finder pokazaśZarědnik wócyniś. Wokno se wócynijo, kótarež waš profilowy zarědnik wopśimujo. Waš profilowy zarědnik se wócynijo.
   Glědajśo: Jolic njamóžośo Firefox wócyniś abo wužywaś, slědujśo instrukcijam w nastawku Waš profil namakaś, mimo až se Firefox wócynja.

2. Klikniśo na meni Firefox a wubjeŕśo Skóńcyś. Klikniśo na meni Firefox górjejce na wobrazowce a wubjeŕśo Firefox skóńcyś.Klikniśo na meni Firefox a wubjeŕśo Skóńcyś.

3. Klikniśo na dataju cert9.db.
4. Tłocćo cmd ⌘+Entf.
5. Startujśo Firefox znowego.

Glědajśo:cert9.db se zasej napórajo, gaž Firefox znowego startujośo. To jo normalne.

Warnowanje ignorěrowaś

Wy by měł warnowanje jano ignorěrowaś, jolic dowěriśo identiśe websedła ako teke integriśe zwiska - samo gaby sedłoju dowěrił, něchten by mógał waš zwisk manipulěrowaś. Daty, kótarež zapódawaśo na sedle pśez słabje skoděrowany zwisk, mógu teke k wótsłuchowarjam chylaś.

Aby warnowański bok ignorěrował, klikniśo na Rozšyrjony:

• Na sedłach ze słabym skoděrowanim pokažo se wam pótom móžnosć, sedło ze zestarjoneju wěstotu zacytowas.
• Na sedłach, kótarychž certifikat njedajo se za płaśiwy wumjeniś, móžośo móžnosć dostaś, wuwześe pśidaś.