Protyka swjatkow wšě zjawne swjatki kraja nalistuje, a pokazuje je w Thunderbird.

Stej dwě metodźe, kotrejž protyku swjatkow přidawatej.

• Na ličaku składować - Protykowa dataja so na wašim ličaku składuje a budźe tež k dispoziciji, hdyž sće offline. Móžeće ju tež změnić (móžeće na přikład narodnej protyce swjatkow regionalne swjatki zwjazkoweho kraja přidać).
• W interneće abonować - Z tutej metodu abonujeće protykowu dataju, kotraž so w interneće wozjewja. Protyka budźe so wot swojeho wudźeržowarja aktualna dźeržeć.

Na ličaku składować

1. Wopytajće stronu z protykami swjatkow Thunderbird abo druhe sydło, kotrež narodne protyki swjatkow poskića.
2. Klikńće z prawej tastu myškiDźeržće tastu control stłóčenu a klikńće na wotkaz protyki swjatkow, kotruž chceće instalować a wubjerće Wotkaz składować jako.
   POKIW: Protykowe dataje maja datajowu kóncowku ics.
3. W Thunderbird klikaće na menijowe tłóčatko a wuběraće Dataja > Wočinić > Protykowa dataja….
4. Wubjerće protykowu dataju, kotruž sće w kroku 2 składował.

Budźeće widźeć, zo nowa protyka je wašemu protykowemu napohladej wšě waše swjatki přidała.

W interneće abonować

1. Wopytajće stronu z protykami swjatkow Thunderbird (abo druhe sydło, kotrež narodne protyki swjatkow poskića).
2. Klikńće z prawej tastu myškiDźeržće tastu control stłóčenu a klikńće na wotkaz protyki swjatkow, kotruž chceće abonować a wubjerće Wotkaz kopěrować.
3. W Thunderbird tłóčiće tastu Alt, zo byšće menijowu lajstu pokazał a wuběraće Dataja > Nowy > Protyka….
4. Wubjerće W syći a klikńće na Dale.
5. Wubjerće z lisćiny Format iCalendar (ICS).
6. Klikńće z prawej tastu myškiDźeržće tastu control stłóčenu a klikńće do pola Adresa a wubjerće Zasadźić, zo byšće městno protyki zapodał, kotruž sće w kroku 2 kopěrował a klikńće potom na Dale.
7. Dajće protyce swjatkow mjeno a připokazajće jej barbu, z kotrejž so wšě swjatki wuzběhuja. Klikńće na Dale.
8. Klikńće na Dokónčić.