Firefox wjele funkcijow wobsahuje, zo by wobhladowak a webwobsah stej přistupnej za wšěch wužiwarjow, mjez nimi ći, kotřiž su špatnje widźacy abo slepi, abo jenož wobmjezowanu kmanosć maja, tastaturu abo myšku wužiwać.

Tastaturu wužiwać

Lisćina hustych tastowych skrótšenkow je w Tastowe skrótšenki - zwučene nadawki Firefox spěšnje wuwjesć k dispoziciji.

Tastaturu wužiwać, zo byšće we webstronach nawigěrował

Zo byšće nawigaciju a tekstowy wuběr we webwobsahu a PDF-dokumentach z pomocu swojeje tastatury w Firefox zmóžnił, kaž byšće w editorje za přećiwo pisanju škitany tekst nawigěrował, přewjedźće slědowace kroki:

1. Klikńće w menijowej lajsće horjeka na wobrazowce na Firefox a wubjerće potom Nastajenja, po wersiji macOS.Klikńće na menijowe tłóčatko a wubjerće Nastajenja.
2. Markěrujće w rajtarku Powšitkowny wotrězk Přehladowanje, kontrolny kašćik pódla Přeco kursorowe tasty za pohibowanje na stronach wužiwać.

Hdyž tuta funkcija je zaktiwizowana, Firefox a pohibliwy kursor na webstronach kaž tež w PDF-dokumentach pokaza, kotrež so we wobhladowaku wočinjeja. Tuta funkcionalnosć, znata jako Caret Browsing, preciziju a přistupnosć za tekstowy wuběr a kopěrowanje wo tójšto polěpšuje, dokelž wjelestronski nastroj za interakciju z digitalnym wobsahom k dispoziciji staja. Móžeće kóždy čas F7 tłóčić, zo byšće tutu funkciju zmóžnił abo znjemóžnił. Hdyž F7 tłóčiće, budźe so Firefox prašeć, hač woprawdźe chceće tutu funkciju zmóžnić. Wubjerće Tutón dialogowy kašćik wjace njepokazać, zo byšće tutu namołwu znjemóžnił.

Tekst při zapodawanju pytać

Zo byšće k tekstej abo hyperwotkazam we webstronje nawigěrował, přewjedźće slědowace kroki:

1. Klikńće w menijowej lajsće horjeka na wobrazowce na Firefox a wubjerće potom Nastajenja, po wersiji macOS.Klikńće na menijowe tłóčatko a wubjerće Nastajenja.
2. Markěrujće we wotrězku Přehladowanje rajtarka Powšitkowny kašćik pódla Při pisanju tekst pytać.

Tuta funkcija ma dwaj modusaj. Tłóčće / a započńće pisać, zo byšće wšón tekst na aktualnej stronje pytał, abo tłóčće ' před swojim znamješkowym rjećazkom, zo byšće jenož hyperwotkazy pytał. Firefox přitrjechjacy tekst abo přitrjechjace hyperwotkazy wuzběhuje, hdyž pisaće.

Slědowace tastowe skrótšenki tutu funkciju wodźa:

• Zapodajće dalše znamješka, zo byšće swoje pytanje zamjezował. Firefox přichodny přitrjechjacy hyperwotkaz wuzběhnje, abo zdźěli wam, zo ničo njeje so namakało.
• Tłóčće Strg⌘+G abo F3, zo byšće přichodne wustupowanje swojeho pytanskeho wuraza namakał.
• Tłóčće Strg⌘+Umsch+G abo Umsch + F3, zo byšće předchadne wustupowanje swojeho pytanskeho wuraza namakał.
• Tłóčće wróćo suwaca tasta, zo byšće poslednje zapodate znamješko zaso wotstronił. Firefox do toho wuzběhnjeny tekst zawěsći.
• Tłóčće Esc, zo byšće pytanje přetorhnył. Móžeće tež pytanje přetorhnyć, hdyž fokus měnjeće abo prosće na časowe překročenje čakaće.

Jeli tute nastajenje je zmóžnjena, móžeće kóždy čas započeć pisać, zo byšće pytanje na aktualnej stronje awtomatisce startował. Po standardźe awtomatisce startowane pytanja wšón tekst na stronje pytaja. Móžeće hišće eksplicitnje ' abo / tłóčić, zo byšće pytanje w jednym abo druhim modusu pytał.

Móžeće tutu funkciju wužiwać, zo byšće so k tłóčatkam, tekstowym polam a druhim formularowym wodźenskim elementam dóstał. Pytajće tekst bjezposrědnje před formularowym wodźenskim elementom, kotryž chceće a tłóčće Tabulator. Hdyž Tabulator tłóčiće, so pytanje awtomatisce skónči a staja fokus na přichodne formularowe polo abo tłóčatko za wuzběhnjenym tekstom.

Přistupne tasty HTML

Na někotrych webstronach so tastowe skrótšenki druhim elementam na stronje připokazuja. Zo byšće kursor direktnje k jednomu tutych elementow pohibował, tłóčće Umsch+AltStrg + ⌥+přistupna tasta.

Tastowe skrótšenki myški

Lisćina hustych skrótšenkow z myšku je w Use mouse shortcuts to perform common tasks in Firefox k dispoziciji.

Měritko, pisma a barby

Měritko strony

Móžeće webstrony inkluziwnje wobrazy ze slědowacymi tastowymi skrótšenkami powjetšić a pomjeńšić:

• Tłóčće Strg⌘++, zo byšće webstronu wo jednu wulkosć wjetšu pokazał.
• Tłóčće Strg⌘+−, zo byšće webstronu wo jednu wulkosć mjeńšu pokazał.
• Tłóčće Strg⌘+0 (nul), zo byšće webstronu z normalnej wulkosću pokazał.

Za druhe móžnosće powjetšenja a pomjeńšenja webstrony, hlejće Font size and zoom - increase the size of web pages.

Měritko teksta

Móžeće funkciju Tekstowe skalowanje wužiwać, zo byšće jenož tekstowu wulkosć změnił:

1. Tłóčće tastu Alt, zo byšće tradicionelne menije Fiefox pokazał. Klikńće horjeka we woknje Firefoxw menijowej lajsće na meni Napohlad.
2. Dźiće dele do Skalować.
3. Wubjerće Jenož tekst skalować, zo bychu so wodźenske elementy jenož na tekst wuskutkowali, nic na wobrazy.

Slědowace tastowe skrótšenki tekstowu wulkosć wodźa, hdyž tekstowe skalowanje je wubrane:

• Tłóčće Strg⌘++, zo byšće tekstowu wulkosć powyšił.
• Tłóčće Strg⌘+−, zo byšće tekstowu wulkosć ponižił.
• Tłóčće Strg⌘+0 (nul), zo byšće tekstowu wulkosć na standardnu wulkosć webstrony wróćo stajił.

Dźiwajće na to, zo so někotre webstrony snano wopak pokazuja, jeli tekstowu wulkosć powyšeće abo znižeće.

Za druhe móžnosće powjetšenja a pomjeńšenja webstrony, hlejće Font size and zoom - increase the size of web pages.

Pisma a barby nastajić

Hlejće Change the fonts and colors websites use za podrobne instrukcije wo tym, kak móžeće swoje preferowane pismowe stile a barby wubrać.

Minimalnu pismowu wulkosć nastajić

Někotre websydła snano tekst pokazuja, kotryž je přemały, zo byšće móhł jón bjez problemow čitać. Zo bychu so strony lóšo čitali, móžeće minimalnu pismowu wulkosć nastajić. Na webstronach, kotrež pospytuja, tekst mjenje hač tuta wulkosć pokazać, Firefox tekst na nastajenu wulkosć powjetšuje.

Zo byšće minimalnu pismowu wulkosć nastajił:

1. Klikńće w menijowej lajsće horjeka na wobrazowce na Firefox a wubjerće potom Nastajenja, po wersiji macOS.Klikńće na menijowe tłóčatko a wubjerće Nastajenja.
2. Kulće w rajtarku Powšitkowny dele do Rěč a zwonkowne.
3. Klikńće we wotrězku Pisma na tłóčatko Rozšěrjeny….
4. Podajće minimalnu pismowu wulkosć z wuběranskeho menija.

Dźiwajće na to, zo so někotre webstrony wotwisujo wot wubraneje minimalneje pismoweje wulkosće wopak pokazuja.

Pisma strony přepisać

Někotre websydła snano tekst w pismach pokazać, kotrež su ćežko čitajomne, a druhe sydła so snano na standardne pisma wobhladowaka spušćeja. Zo byšće swoje standardne pisma nastajił:

1. Klikńće w menijowej lajsće horjeka na wobrazowce na Firefox a wubjerće potom Nastajenja, po wersiji macOS.Klikńće na menijowe tłóčatko a wubjerće Nastajenja.
2. Kulće w rajtarku Powšitkowny dele k Rěč a zwonkowne.
3. Wubjerće we wotrězku Pisma standardne pismo a standardnu wulkosć.

Móžeće standardne pismo za rozdźělne stile podać, mjez nimi serif, sans-serif a monospace, hdyž na tłóčatko Rozšěrjeny… klikaće. Wjele webstronow wšak swójske pisma podawa, tak zo waše wuběry so na tajke strony njewuskutkuja. Zo byšće pisma přepisał, kotrež su so přez tajke strony definowali, wotstrońće hóčku před nastajenjom Stronam dowolić, swoje pisma město horjeka wubranych wužiwać.

Dźiwajće na to, zo so někotre webstrony wotwisujo wot wubraneho standardneho pisma wopak pokazuja.

Barby strony přepisać

Někotre websydła snano tekst z pozadkowymi barbami pokazuja, kotrež čitanje teksta poćežuja a druhe sydła spušćeja so snano na standardne barby wobhladowaka. Zo byšće standardne barby nastajił:

1. Klikńće w menijowej lajsće horjeka na wobrazowce na Firefox a wubjerće potom Nastajenja, po wersiji macOS.Klikńće na menijowe tłóčatko a wubjerće Nastajenja.
2. Kulće w rajtarku Powšitkowny dele do Rěč a zwonkowne.
3. Klikńće we wotrězku Barby na tłóčatko Barby rjadować….

Móžeće standardny tekst a pozadkowe barby kaž tež standardne barby za wopytane a njewopytane hyperwotkazy nastajić. Móžeće tež podać, hač so maja hyperwotkazy podšmórnyć.

Wjele webstronow wšak swójske barby nastaja, tak zo so waše wuběry njewuskutkuja. Zo byšće barby webstronow přepisał, wužiwajće wuběranski meni, zo byšće Barby podate přez stronu přez mój wuběry horjeka přepisać na Přeco stajił.

Drastu z wysokim kontrastom wužiwać

Firefox awtomatisce wotkrywa, hač drastu z wysokim kontrastom na Windows wužiwaće a pokazuje wšitko we wašej barbowej šemje z wysokim kontrastom. To wšě druhe nastajenja wobhladowaka abo webstrony přepisuje a wobwliwuje wužiwarski powjerch Firefox sam (wšě menije, wokna a dialogowe pola) a wobsah kóždeje strony, kotruž wopytujeće.

Webwobsah kontrolować

Wuskakowace wokna blokować

Hlejće Nastajenja wuskakowacych woknow, wuwzaća a rozrisowanje problemow za informacije wo blokowanju wuskakowacych woknow.

Zadźerženje JavaScript wobmjezować

JavaScript da so wužiwać, zo by wěcy činił, kotrež so někotrym ludźom njespodobaja. Za lěpšu kontrolu móžeće rozšěrjenja priwatnosće instalować. Za dalše informacije hlejće JavaScript settings and preferences for interactive web pages.

Kompatibelnosć z podpěrowacymi technologijemi

Čitak wobrazowki

Čitak wobrazowki je softwarowe nałoženje, kotrež pospytuje identifikować a interpretować, štož so na wobrazowce pokazuje (abo, dokładnišo, so na standardne wudaće sćele, hač widejomonitor je k dispoziciji abo nic). Tuta interpretacija so potom wužiwarjej zaso z teksta do rěčenja, zynkowymi symbolemi abo wudanskim gratom za Braille sposrědkuje. Čitaki wobrazowki su forma podpěrowaceje technologije, kotraž je potencielnje wužitna za slepich ludźi, na widźenje škodowanych, analfabetow abo we wuknjenju haćenych, husto w kombinaciji z druhej podpěrowacej technologiju kaž na přikład z lupami wobrazowki. Hlejće tež nastawk we Wikipediji (němsce) pod licencu Creative Commons – Attribution-ShareAlike 3.0.

Tu je lisćina čitakow wobrazowki (jendźelsce) a wotkazy k zwučenym:

Podobne wotkazy wo bjezbarjernosći

• Mozilla Accessibility on MDN
• Mozilla Accessibility Blog

Konformaciska rozprawa wo bjezbarjernosći (Accessibility Conformance Report - ACR

Prócujemy so standardy bjezbarjernosće dodźeržeć kaž tež přijomne dožiwjenja za swojich wužiwarjow wutworić. Tuta aktualna rozprawa wopisuje, kak wobhladowak Firefox tuchwilu za ludźi ze zbrašenosćemi funguje. Bazuje na ITI Voluntary Product Accessibility Template (VPAT® 2.5) a wopřijima dodźerženje směrnicow za bjezbarjernosć weboweho wobsaha (Web Content Accessibility Guidelines - WCAG 2.2) a předźěłany wotrězk 508 konformaciskeje rozprawy (jendźelsce): Firefox for desktop (Windows OS, April 2024)