Što profile su?

Firefox informacije kaž zapołožki, hesła a wužiwarske nastajenja w sadźbje datajow z mjenom „profil“ składuje. Tutón profil so na druhim městnje hač nałoženskeprogramowe dataje Firefox składuje. Čitajće tutón nastawk za podrobnosće.

Što so stawa, jeli wjace hač jednu instalaciju Firefox mam?

Někotři wužiwarjo wjacore instalacije Firefox maja, kóždu w separatnych nałoženskichprogramowych rjadowakach. Firefox za kóždu instalaciju Firefox separatny profil wužiwa, mjez nimi instalacije Nightly, Beta, Developer Edition a Extended Support Release (ESR). Přez to Firefox je stabilniši, hdyž instalacije na samsnym ličaku wuměnjeće a zmóžnja wam tež, druhe instalacije Firefox w samsnym času wužiwać.

Jeli nowu, přidatnu instalaciju Firefox instalujeće, so nowy profil załoži. Njezhubiće wosobinske daty abo přiměrjenja, kotrež sće do toho měł, dokelž so waš stary profil składuje a je z předchadnej instalaciju Firefox zwjazany.

Kotre móžnosće su?

Njetrjebaće ničo činić. Kóžda instalacija Firefox ma rozdźělne profilowe daty. Jeli chceće, zo informacije, kotrež do Firefox składujeće, maja za wšě instalacije jenake być, móžeće konto Firefox wužiwać, zo byšće je synchronizował. Sync je najlóša móžnosć, zo bychu so waše profile za wšě waše instalacije Firefox synchrone dźerželi. Nimo toho dóstanjeće lěpšiny kaž słanje rajtarkow a wěste składowanje hesłow. Tu móžeće Sync startować.

Hodźi so změnić, kotra instalacija Firefox předchadny profil wužiwa?

Haj. Móžeće zrjadowak profilow za kóždu instalaciju wužiwać, zo byšće nowy standardny profil nastajił. Instrukcije su w nastawku zrjadowaka profilow a w nastawku Wužiwarske daty wobnowić, kotrež po aktualizaciji Firefox faluja k dispoziciji.

Wužiwam Sync, budu so moje składowane daty nadal synchronizować?

Haj. Hdyž so pola swojeho konta Firefox w Firefox přizjewjeće, měli so daty z druhich instalacijow Firefox, kotrež su so do Sync składowali, jewić.

Što so z mojim profilom stawa, jeli so k předchadnej wersiji Firefox wróćam?

Dyrbiće nowy profil załožić, zo byšće wobškodźenja profila wobešoł.

Započinajo z wersiju Firefox 67, sej kóžda instalacija Firefox separatny profil wužaduje. Wšě dotalne profilowe daty so składuja a su z prěnjej instalaciju Firefox zwjazane, kotrež so po změnje wočinja.

Jeli pospytujeće instalaciju Firefox z profilom startować, kotryž je so posledni raz w nowšej wersiji wužiwał, budźeće warnowanje widźeć, zo wužiwanje staršeje wersije Firefox móže profilowe daty kaž na př. zapołožki a přehladowansku historiju wobškodźić:

Klikńće na tłóčatko Nowy profil załožić, zo byšće Firefox z nowym profilom startował.

Hdyž so k starej wersiji Firefox wróćeće a nowy profil wužiwaće, je profil, kotryž je so w nowšej wersiji wužiwał, hišće w zrjadowaku profilow za wužiwanje w nowšej wersiji Firefox k dispoziciji.

Pokaz: Škit přećiwo wužiwanju staršeje wersije Firefox (jendźelsce: downgrade) da so zběhnyć, hdyž Firefox z přikazoweje linki z parametrom --allow-downgrade startujeće.

Wužiwam hižo separatne profile za moje rozdźělne instalacije Firefox

Jeli hižo sće separatne profile za rozdźělne instalacije manuelnje załožił, njetrjebaće změnu wobkedźbować (to je chwilku doporučene postupowanje z Nightly było).