Wutworjeny:
Jeli w kóždym wobhladowaku samsne problemy maće, websydła začitać, su někotre móžne zawiny a móžnosće je porjedźić.
Zapis wobsaha
Wěstotna softwara zwisk blokuje
Přepruwujće, hač waša softwara internetneje wěstoty (wohnjomurje, antiwirusowe programy, antispionažne programy a wjace) zwisk z internetom blokuje. Za instrukcije, kak móžeće někotre programy konfigurować, čitajće Wohnjowe murje tak konfigurować, zo by Firefox móhł z internetom zwjazać.
Systemowy čas je wopačny
Přeswědčće so, zo nastajenja za datum, čas a časowe pasmo wašeho systema su korektnje skonfigurowane. Firefox móhł problemy měć, wěstotny certifikat wobkrućić, jeli datum abo čas je wopačny.
DNS-pufrowak
Kóždemu webserwerej, kotryž je z internetom zwjazany, so čisło připokazuje, znaty jako IP-adresa. Domenowe mjena so přez serwer systema domenowych mjenow (DNS) internetnym adresam připokazuja. Waš ličak nowe připokazanja IP-adresow składuje, zo by so móhł spěšnišo ze sydłami zwjazać, ale jeli je diskrepanca mjez DNS-serwerom a připokazanjemi internetnych adresow na wašim ličaku, změje kóždy wobhladowak na wašim ličaku problemy, někotre websydła namakać. Zo byšće njedawno składowane připokazanja IP-adresow wotstronił, wuprózdńće swój DNS-pufrowak.
- Dźeržće Windowsowu tastu
stłóčenu a tłóčće R.
- Zapodajće cmd a tłóčće Enter.
- Zapodajće ipconfig /flushdns do přikazoweje linki a tłóčće Enter.
Startujće MacOS znowa, zo byšće swój DNS-pufrowak wuprózdnił.
- Wočińće terminal.
- Wuwjedźće přikaz /etc/init.d/nscd restart
Bjezgrotowy zwisk
Jeli bjezgrotowy zwisk wužiwaće, přeswědčće so, zo korektny přistupny dypk wužiwaće.
Problem z internetnym słužbnym poskićowarjom
Samo hdyž waš modem a/abo router stej zapinjenej a zmylki njepokazujetej, je snano problem z wašim internetnym słužbnym poskićowarjom (ISP). Stajće so ze swojim ISP do zwiska, zo byšće wjace zhonił.
Problem z DNS-serwerom
Waš serwer systema domenowych mjenow (DNS) webadresy (URL) do IP-adresow přełožuje a staja so zwjetša wot wašeho ISP k dispoziciji. Jeli DNS-serwer je poćeženy, njemóžeće sej snano někotre abo wšě websydła wobhladać. Jeli na přikład http://74.125.53.99 abo http://74.125.159.105 funguje, ale http://www.google.com nic, maće DNS-problem. Móžeće alternatiwnu słužbu kaž na přikład OpenDNS abo Google Public DNS wužiwać.
Druhe resursy
Jeli ani Firefox ani druhi wobhladowak websydła začitać njemóže, je waš problem zwonka Firefox a wy měł druhdźe za podpěru pytać.
- Hlejće Wired and wireless network problems at microsoft.com.
- Hlejće OS X El Capitan: If you can’t connect to the Internet na apple.com.
