Tutón nastawk wokna nastajenjow - NastajenjaNastajenjaNastajenja - zjima a kotre typy nastajenjow wobsahuja. Klikńće w menijowej lajsće horjeka na wobrazowce na Firefox a wubjerće potom Nastajenja, po wersiji macOS.Klikńće na menijowe tłóčatko a wubjerće Nastajenja. Slědowace wokna su k dispoziciji:

Wokno Powšitkowny

Tute wokno slědowace typy nastajenjow wobsahuje:

Powšitkowny
Startować, Daty wobhladowaka importować a Rajtarki: Tam móžeće Firefox k swojemu standardnemu wobhladowakej činić, Firefox tak nastajić, zo waše předchadne posedźenje při startowanju wobnowja, , daty z druheho wobhladowaka importować a wubrać, kak maja so rajtarki wočinić.

Rěč a zwonkowne
Napohlad websydła, Barby, Pisma, Skalowanje a Rěč: Tam móžeće nastajenja napohlada websydła w Firefox změnić, pisma a barby změnić, kotrež websydła wužiwaja, wulkosć wobsaha webstrony změnić, rěč za zwobraznjenje menijow, zdźělenkow, powěsćow a druhich dźělow wužiwarskeho powjercha Firefox wubrać, preferowanu rěč za webstrony wubrać a prawopisnu kontrolu Firefox wužiwać.

Dataje a nałoženja
Sćehnjenja, Nałoženja a Wobsah Digital Rights Management (DRM): Tam móžeće sćehnjenski rjadowak změnić, kotryž Firefox wužiwa, zo byšće dataje składował, nałoženje za wužiwanje z wěstymi datajowymi formatami změnić a wubrać, hač ma so wobsah z DRM we Firefox pokazać.

Aktualizacije Firefox
Tam móžeće swoju aktualizowansku historiju přepruwować abo aktualizowanske nastajenja za Firefox změnić.

Wukon
Tam móžeće wukonowe nastajenja we Firefox přiměrić.

Přehladowanje
Tam móžeće nastajenja za přesuwanje, wužiwanje kursora (Caret Browsing) abo pytanje teksta na webstronach wubrać.

Syćowe nastajenja
Tam móžeće zwiskowe nastajenja Firefox změnić a proksy za zwiski z internetom nastajić.

Wokno Startowa strona

Tute wokno nastajenja za slědowace typy nastajenjow wobsahuje:

Nowe wokna a rajtarki
Tu móžeće postajić, štož widźiće, hdyž swoju startowu stronu, nowe wokno abo nowy rajtark Firefox wočinjeće. Móžeće standardnu startowu stronu Firefox, prózdnu stronu abo někajku webstronu z URL jako swoju startowu stronu nastajić; móžeće nastajić, hač nowe rajtarki standardnu startowu stronu Firefox abo prózdnu stronu wočinjeja.

Wobsah startoweje strony Firefox
Tu móžeće wobsah na standardnej startowej stronje Firefox abo stronje noweho rajtarki schować abo pokazać, mjez nimi webpytanje, zwjazanja z najhusćišo wopytanymi sydłami, nastawki doporučene wot Pocket a najnowšu aktiwitu. Za dalše informacije wo tutych funkcijach hlejće Wo stronje noweho rajtarka a Customize your Firefox New Tab page.

Wokno Pytać

Tute wokno nastajenja za pytawu wobsahuje, kotruž Firefox po standardźe, nastajenja adresoweho pola a druhe pytanske nastajenja wužiwa. Za dalše informacije hlejće Standardne pytanske nastajenja w Firefox změnić.

Wokno Priwatnosć a wěstota

Tute wokno slědowace typy nastajenjow wobsahuje:

Priwatnosć wobhladowaka
Polěpšeny slědowanski škit, Placki a sydłowe daty, Formulary a hesła, a Historija a Adresowe polo: Tam móžeće nastajenja za funkcije polěpšeny slědowanski škit a Njeslědować Firefox wodźić, placki websydłow, sydłowe daty a pufrowany webwobsah rjadować, móžeće nastajić, kak maja so formulary wupjelnić a hesła rjadować, a waše přehladowanske, sćehnjenske, pytanske a formularne historije rjadować a nastajić, kak ma so adresowe polo fungować.

Prawa
Tam móžeće rozsudźić, hač websydła móža wam eksterne zdźělenja pósłać, wam wuskakowace wokna pokazać a hač Firefox měł was warnować, hdyž websydła pospytuja přidatki instalować.

Hromadźenje a wužiwanje datow Firefox
Tam móžeće rozsudźić, hač Firefox móže Mozilla techniske a interaktiwne daty pósłać, studije instalować a přewjesć abo Mozilla spadowe rozprawy pósłać.

Wěstota
Škit před wobšudnym wobsahom a strašnej softwaru, Certifikaty a Modus Jenož-HTTPS: Tam móžeće certifikaty websydłow a wěstotne graty, strašny wobsah abo strašne sćehnjenja blokować a Modus Jenož-HTTPS w Firefox zmóžnić abo znjemóžnić.

Wokno Sync

Tute wokno wam zmóžnja, konto Mozilla załožić abo rjadować, kotrež za přistup k wěstym słužbam Mozilla trjebaće, mjez nimi Sync. Hlejće Kak zarjaduju Sync na swojim ličaku? a Kotre typy informacijow móžu z Firefox synchronizować? za dalše informacije.