Firefox Accounts a Firefox Sync wam zmóžnjetej, waše přizjewjenja składować a synchronizować, a zdźěletej wam, hač waše hesła su zranite. Wobaj tež waše hesła ze zaklučowanjom škitatej, zo njeby samo Mozilla je widźał. Mjeztym Firefox waše składowane websydła z datowej banku websydłow přirunuje, kotrež su přez datowe dźěry potrjechene, zo by was informował, hač waše přizjewjenja su zranite (za dalše informacije hlejće Zrjadowak hesłow Firefox - warnowanja za websydła z datowymi dźěrami.

Firefox Sync

Jeli maće Firefox Accounts a sće synchronizowansku funkcionalnosć zmóžnił, so waše synchronizowanske přizjewjenske daty (wužiwarske mjena, hesła, hostowe mjena) dospołnje zaklučuja, hdyž so wutworjeja a/abo měnjeja. Mozilla wšak njemóže waše wužiwarske mjena a hesła njedešifrować, hdyž su na synchronizowanskim serwerje składowane.

Firefox Desktop

Firefox Desktop waše hesła lokalnje we wašim zapisu wužiwarskeho profila z pomocu dataje logins.json zaklučuje. Firefox Desktop jednoru kryptografiju wužiwa, zo by waše hesła zakrył. Mozilla njemóže hesła widźeć, ale Firefox Desktop hesło lokalnje dekoduje, zo by móhł je do formularnych polow zapodać.

Wužiwajće za najlěpšu wěstotu hłowne hesło, zo byšće swoje hesła zaklučował. Zo byšće wjace wo tym zhonił, kak Firefox waše přizjewjenja a hesła składuje, hlejće slědowace nastawki:

• Using a Primary password with Sync
• Hdźe so přizjewjenja składuja?
• Zrjadowak hesłow - hesła w Firefox sej spomjatkować, zhašeć, změnić a importować

Techniske podrobnosće (za pokročenych wužiwarjow)

Za techniske podrobnosće wo wěstoće Firefox Sync a Firefox Accounts hlejće:

• Private by Design: How we built Firefox Sync na Mozilla Hacks
• A Security Audit of Firefox Accounts (přinošk wěstotneho bloga, 18. julija 2017)