Zo byšće wšě najnowše funkcije wužiwał a swoje daty wěste dźeržał, je dobra ideja, na najnowšu wersiju Firefox za Android aktualizować. Firefox za Android wam zdźěla, hdyž aktualizacija je přez Google Play k dispoziciji, ale móžeće tež z pomocu slědowacych krokow manuelnje pytać. Přewjedźće slědowace kroki, zo byšće zhonił, kotru wersiju wužiwaće a kotre móžnosće maće, zo byšće aktualizował, jeli trjeba.

Wašu wersiju Firefox namakać

1. Podótkńće so menijoweho tłóčatka
   
2. Podótkńće so Nastajenja.
3. Kulće dele do wotrězka Wo, a podótkńće so Wo Firefox.
   Wersijowe čisło so pod logom Firefox zjewi.

Přez Google Play aktualizować

Najlóša móžnosć, Firefox aktualizować, je přez Google Play, tu móžeće widźeć, hač waša wersija je zestarjena a Firefox aktualizować.

1. Wočińće nałoženje Google Play Store na swojim graće a podótkńće so menija horjeka nalěwo.
2. Podótkńće so Meine Apps & Spiele, zo byšće swoju lisćinu zainstalowanych nałoženjow widźał.
   Tuta lisćina podawa, kotre nałoženja dyrbja so aktualizować. Firefox so w lisćinje aktualizacijow zjewi, jeli aktualizacija je k dispoziciji.
3. Podótkńće so wotpowědneho tłóčatka Aktualisieren, zo byšće aktualizowanje startował.