Dźakujemy so wam, zo sće na nowu wersiju Firefox za iOS zaktualizował. Tuta wersija čisće nowy, čisty a moderny napohlad a polěpšenja pytanja wobsahuje.

Nowy čisty a moderny napohlad

Smy swoje symbole w cyłym nałoženju zaktualizowali a smy menije a wodźenske elementy bóle konsistentne ze systemowym designom iOS činili.

Nowa rajtarkowa lajsta iPad

Menijowe polěpšenja za lóši přistup k wobsahej

Zaktualizowany meni Firefox nowy napohlad dóstawa, zo byšće wobsah, kotryž trjebaće, na přikład waše zapołožki, historiju, čitansku lisćinu a sćehnjenja, samo spěšnišo dóstał.

Pytanske polěpšenja

Aktiwna pytawa

Hladajće na jedyn pohlad, kotra waša pytawa je. Firefox wašu pytawu naprawo w pytanskim polu pokazuje.

Pytanske namjety lóšo precizować

Móžeće nětko swoje pytanja lóšo zamjezować, bjez toho zo byšće dyrbjał přidatne słowa zapodać. Podótkńće so prosće šipka pódla pytanskeho namjeta, zo byšće wjace precizowanjow wužiwał.

Wočinjene a synchronizowane rajtarki pytać

Smy wašemu rajtarkowemu menijej synchronizowane rajtarki přidali. Město toho, zo bychmy wašu biblioteku wočinili, zo bychmy waše rajtarki pytali, smy wašim pytanskim namjetam wočinjene a synchronizowane rajtarki přidali, zo byšće direktnje z jednoho pytanja k nim přistup měł.

Jeli wočinjeny abo synchronizowany rajtark wašemu pytanju wotpowěduje, budźe was Firefox awtomatisce k wašemu wočinjenemu rajtarkej wjesć.

Polěpšenja rajtarkow

Nowy napohlad lisćiny rajtarkow

Wobhladajće sej swoje wočinjene rajtarki, bjez toho zo byšće swoju stronu zhubił. Hdyž so symbola rajtarkeho čisła pódótknjeće, budźe lisćina rajtarkow po stronje kuleć. Zo byšće so k stronje wróćił, suńće prosće lisćinu rajtarkow dele.

Lóši přistup k synchronizowanym rajtarkam

Maće nětko přistup k synchronizowanym a wočinjenym rajtarkam na jednym městnje. Město toho, zo byšće přez přidatne kroki kliknył, podótkńće so prosće rajtarkoweho čisła na swojej symbolowej lajsće, zo byšće přistup k swojim synchronizowanym rajtarkam měł.