Rajtarki wam zmóžnjeja wjacore websydła w jednym woknje Firefox wočinić a organizować. To zadźěwa přepjelnjenju wašeje wobrazowki a wosnadnja přepinanje mjez sydłami.

Tutón nastawk wobjednawa zakłady wo wužiwanju rajtarkow. Zo byšće wjace wo rajtarkowych nastajenjach zhonił, hlejće Rajtarkowe nastajenja.

Nowy rajtark wočinić

Zo byšće nowy rajtark wočinił, klikńće na plusowy symbol + naprawo pódla poslednjeho rajtarka. Kursor zjewi so w adresowym polu, zo byšće móhł swoje pytanje abo swój URL zapodać.

Tastowa skrótšenka: Móžeće tež Strg + Tcmd ⌘ + T tłóčić město toho, zo byšće myšku wužiwał.

Wotkazy w nowym rajtarku wočinić
Hdyž na wotkaz kliknjeće, wočinja so w normalnym padźe w aktualnym rajtarku. Jeli chceće wotkaz město toho w nowym rajtarku wočinić, klikńće z prawej tastuklikńće ze stłóčenej tastu Strg, mjeztym zo na wotkaz kliknjeće a wubjerće Wotkaz w nowym rajtarku wočinić z kontekstoweho menija.

Zo byšće stronu z historije w nowym rajtarku wočinić

1. Klikńće z prawej tastu myškiDźeržće tastu control stłóčenu a klikńće na tłóčatko Wróćo abo Doprědka, zo byšće rajtarkowu historiju wočinił.
2. Kliknće z tastu cmd ⌘ (dźeržće tastu cmd ⌘ stłóčenu, mjeztym zo na zapisk klikaće)Kliknće z tastu Strg (dźeržće tastu Strg stłóčenu, mjeztym na zapisk klikaće), zo byšće jón w nowym zapisku wočinił.

Eksistowacy rajtark podwojić

Zo byšće rajtark podwojił, kotryž je hižo wočinjeny:

1. Klikńće z prawej tastu myškiDźeržće tastu control stłóčenu a klikńće na rajtark, kotryž chceće podwojić.
2. Wubjerće Rajtark podwojić z kontekstoweho menija.

Rajtarki začinić

Zo byšće rajtark začinił, klikńće prosće na symbol x na rajtarku abo klikńće ze srjedźnej tastu na rajtark.

• Tastowa skrótšenka: Móžeće tež Strg + Wcmd ⌘ + W tłóčić, zo byšće aktualny rajtark začinił.

Zo byšće wjacore rajtarki naraz začinił:
Klikńće z tastu cmd ⌘ (dźeržće tastu cmd ⌘ stłóčenu, mjeztym zo na rajtark klikaće)Klikńće z tastu Strg (dźeržće tastu Strg stłóčenu, mjeztym zo na rajtark klikaće), zo byšće rajtarki wubrał, kotrež chceće začinić. Klikńće potom z prawej tastuKlikńće potom ze stłóčenej ctrl-tastu na wjacore rajtarki a wubjerće Rajtarki začinić, zo byšće wubrane rajtarki začinił.

Móžeće tež kontekstowy meni rajtarkow wužiwać, zo byšće wjacore rajtarki začinił a druhe rajtarkowe akcije wuwjedł.

Tutón kontekstowy meni da so pokazać, hdyž z prawu tastutastu ctrl stłóčenu dźeržiće, mjeztym zo na rajtark Firefox klikaće. Zo byšće wjace wo začinjenju wjacorych rajtarkow zhonił, hlejće Tab context menu.

Začinjeny rajtark zaso wočinić

Zo byšće rajtark zaso wočinił, kotrež sće mylnje začinił: Klikńće z prawej tastu myškiDźeržće tastu control stłóčenu a klikńće na rajtarkowu lajstu a wubjerće Začinjeny rajtark znowa wočinićZačinjeny rajtark znowa wočinić z kontekstoweho menija. Alternatiwnje móžeće na tłóčatko biblioteki kliknyć, po tym na Historija, potom na Runje začinjene rajtarki a wubjerće jedyn z do toho začinjenych rajtarkow.

• Tastowa skrótšenka: Móžeće tež na Strg + ⇧ + Tcmd ⌘ + ⇧ + T tłóčić, zo byšće runje začinjeny rajtark zaso wočinił.

Rajtarki rjadować

Rajtarki přepinać
Klikńće prosće na rajtark, zo byšće jón wopytał abo tłóčće Strg+Tabctrl+↹, zo byšće spěšnje do druheho rajtarka přepinał.

Porjad rajtarkow změnić
Zo byšće rajtark na druhu poziciju na rajtarkowej lajsće přesunył, ćehńće jón prosće tam z pomocu swojeje myški.

Rajtark do noweho wokna přesunyć
Zo byšće rajtark do swójskeho wokna přesunył, klikńće na rajtark a ćehńće jón z rajtarkoweje lajsty won. Nowe wokno so wočini.

Jeli chceće rajtark z jednoho wokna do druheho přesunyć, klikńće na rajtark a ćehńće jón na rajtarkowu lajstu druheho wokna Firefox.

Wšě rajtarki pokazać
Jeli sće wjace rajtarkow wočinił hač je městno na rajtarkowej lajsće, so suwanske tłóčatka na kóncu lajsty zjewja. Klikńće na nje, zo byšće rajtarkowu lajstu dolěwa abo doprawa sunył.

Móžeće tež na tłóčatko Wšě rajtarki nalistować kliknyć a rajtark, kotryž chceće, z wuběranskeho menija wubrać.

Rajtarki připjeć

Připjeće rajtarka wam zmóžnja, swoje najlubše sydła wočinjene a jenož jedne kliknjenje preč dźeržeć. Připjate rajtarki so awtomatisce wočinjeja, hdyž Firefox startujeće. Za dalše informacije wo připjatych rajtarkach hlejće Pinned Tabs - keep favorite websites open and just a click away.

Zo byšće rajtark připjał, klikńće prosće z prawej tastuklikńće prosće ze stłóčenej tastu Strg na njón a wubjerće Rajtark připinyć.

Zo byšće wjacore rajtarki naraz připjał: Wubjerće te, kotrež chceće (klikńće ze stłóčenej tastu Strgklikńće ze stłóčenu tastu ⌘ na kóždy rajtark), potom klikńće z prawej tastuklikńće ze stóčenej tastu ctrl na jedyn z nich a wubjerće Rajtarki připinyć.

Rajtarki jako zapołožki składować

Wubjerće rajtark, kotryž chceće jako zapołožku składować, klikńće z prawej tastuklikńće ze stłóčenej tastu ctrl na rajtark a wubjerće Rajtark jako zapołožku składować.

Zo byšće wjacore rajtarki naraz jako zapołožki składować: Wubjerće te, kotrež chceće (klikńće ze stłóčenej tastu Strgklikńće ze stłóčenej tastu cmd ⌘ na kóždy tab), potom klikńće z prawej tastuklikńće ze stłóčenej tastu ctrl na jedyn z nich a wubjerće Rajtarki jako zapołožki składować…. Nowy rjadowak so wutwori, kotrež zapołožki za kóždy rajtark wobsahuje. Dajće nowemu rjadowakej zapołožkow mjeno a wubjerće rjadowak, w kotrymž ma so składować. Klikńće na Zapołožki přidaćSkładować, zo byšće dokónčił.

Zo byšće wšě wočinjene rajtarki jako zapołožki we woknje naraz składować: Wubjerće Wšě rajtarki jako zapołožki składować… z menija zapołožkow.

Klikńće z prawej tastu na někotre rajtarki, wubjerće Wšě rajtarki wubrać z kontekstoweho menija, klikńće potom z prawej tastu na někajki rajtark a wubjerće Rajtarki jako zapołožki składdować…. Nowy rjadowak so wutwori, kotrež zapołožki za kóždy rajtark wobsahuje. Dajće nowemu rjadowakej zapołožkow mjeno a wubjerće rjadowak, w kotrymž ma so składować. Klikńće na Zapołožki přidaćSkładować, zo byšće dokónčił.