Firefox móže wšě wokna a rajtarki wobnowić, kotrež běchu wočinjene, hdyž je so Firefox njejapcy začini abo skónči. Tutón nastawk wopisuje wobstejnosće, pod kotrymiž Firefox waše předchadne posedźenje wobnowi a kak móžeće to konfigurować.

Hdyž so posedźenske wobnowjenje wotměwa

Hdyž „Předchadne posedźenje wobnowić“ z menija Firefox wuběraće

Na slědowace wašnje dóstanjeće swoje rajtarki a wokna z pomocu menija Firefox z předchadneho posedźenja wróćo:

1. Klikńće na menijowe tłóčatko naprawo w swojej symbolowej lajsće.
2. Klikńće na Historija a wubjerće potom Předchadne posedźenje wobnowić.

   

Po aktualizaciji Firefox

Zo byšće aktualizacije na nałoženje Firefox nałožił, kotrež su so scahnyli, dyrbiće Firefox znowa startować. Zo byšće znowa startował, klikńće na Startujće znowa, zo byšće Firefox aktualizował.

Po nowym startowanju Fiefox w modusu za rozrisowanje problemow

Hdyž znowa w modusu za rozrisowanje problemow startujeće, zo byšće problemy Firefox diagnosticěrował, so waše rajtarki a wokno znowa wočinja.

Po spadźe

Njewočakowanych problemow dla, kaž na přikład problemy z websydłom, softwarowymi zmylkami abo njenadźitym wupadom miliny, móže so Firefox njejapcy začinić. W tutych situacijach móže Firefox při znowastartowanju strony wobnowić, kotrež sće wopytał. Prěni raz, hdyž Firefox po spadźe startujeće, budźe so waše předchadne posedźenje awtomatisce wobnowjeć.

Jeli Firefox druhi raz spaduje, so strona posedźenskeho wobnowjenja zjewi, hdyž Firefox přichodny raz startujeće.

• Zo byšće swoje předchadne posedźenje wobnowił, wubjerće wokna abo rajtarki, kotrež chceće wobnowić a klikńće na Posedźenje wobnowić.
• Jeli Firefox dale zmylki pokazuje, hdyž so wokna a rajtarki znowa wočinjeja, móžeće Firefox startować bjez toho, zo byšće tute elementy wobnowił. Zo byšće nowe posedźenje startował, klikńće na Nowe posedźenje započeć.

Hdyž sće Firefox nastajił, zo předchadne posedźenje při startowanju wobnowja

Móžeće Firefox nastajić, zo waše wokna a rajtarki z předchadneho posedźenja pokazuje, hdyž Firefox startujeće. Zo byšće swoje nastajenja za start Firefox změnił, hlejće Posedźenske wobnowjenje konfigurować deleka.

Posedźenske wobnowjenje konfigurować

Hdyž Firefox startuje, so po standardźe jednotliwe wokno wočinja, kotrež wašu nastajenu startowu stronu zwobraznja. Jeli chceće, móžeće Firefox tak konfigurować, zo wokna a rajtarki z wašeho předchadneho posedźenja wočinja:

Problemy priwatnosće

Posedźenske wobnowjenje wostaja was pola sydłow přizjewjeneho, pola kotrychž sće so do toho přizjewił, prjedy hač sće Firefox začinił. Jeli něchtó druhi je waš ličak po was wužił, změje snano přistup na waše konto při tutych sydłach. Jeli to trjechi, njeměł wy Firefox konfigurować, zo by wšě wokna a rajtarki z wašeho předchadneho posedźenja wočinił.

Chceće snano posedźenske wobnowjenje po programowym spadźe znjemóžnić, kotrež je po standardźe zmóžnjene. To zadźěwa wobnowjenju předchadneho posedźenja, hdyž so Firefox po njewočakowanym začinenju abo programowym spadźe wočinja:

1. Warnowanje: Měnjenje rozšěrjenych nastajenjow móže stabilnosć a wěstotu Firefox pohubjeńšić. To je jenož radźomne za pokročenych wužiwarjow.
2. Zapodajće about:config do adresoweho pola a tłóčće Enter↩.
   Warnowanska strona móže so jewić. Klikńće na Riziko akceptować a pokročować, zo byšće so na stronu about:config dóstał.
3. Zapodajće browser.sessionstore.resume_from_crash do kašćika Pytać:.
4. Klikńće dwójce naKlikńće na tłóčatko Přepinać pódla browser.sessionstore.resume_from_crash, zo byšće jón na false stajił.

Rozrisowanje problemow

Předchadne posedźenje njeje so korektnje začiniło

Zo byšće swoje rajtarki a wokna z předchadneho posedźenja wróćo dóstał, měł wy Firefox přez meni začinić: Klikńće na meni Firefox a wubjerće Skónčić.Klikńće na meni Firefox horjeka na wobrazowce a wubjerće Firefox skónčić.Klikńće na meni Firefox a wubjerće Skónčić. Jeli kóžde wokno abo kóždy rajtark začinjeće, budu jenož rajtarki wokna, kotrež sće jako poslednje začinił, k dispoziciji stać, hdyž Firefox znowa startujeće.

Nastajenja su snano wopak

Za druhe problemy posedźenskeho wobnowjenja dyrbiće snano swoje nastajenja Firefox korigować:

1. Klikńće w menijowej lajsće horjeka na wobrazowce na Firefox a wubjerće potom Nastajenja, po wersiji macOS.Klikńće na menijowe tłóčatko a wubjerće Nastajenja.
2. Wubjerće wokno Priwatnosć a wěstota.
3. Zawěsćće we wotrězku Historija, zo wuběranski meni Firefox budźe je pak na Sej historiju spomjatkować abo Swójske nastajenja za historiju wužiwać nastajeny.
   • Jeli Firefox budźe je na na Swójske nastajenja za historiju nastajeny, zawěsćće, zo Přeco priwatny modus wužiwać wubrany njeje.
   • Jeli Firefox budźe: na Swójske nastajenja za historiju wužiwać nastajeny a Historiju wuprózdnić, hdyž so Firefox začinja je wubrany, klikńće na tłóčatko Nastajenja a zawěsćće, zo Přehladowanska a sćehnjenska historija wubrany njeje.
4. Začińće stronu Nastajenja. Wšě změny, kotrež sće přewjedł, budu so awtomatisce składować.

Bazuje na informacijach z nastawka Session Restore (mozillaZine KB)