Posledni raz zaktualizowany:
Adresowe polo wam wosnadnja to namakać, za čimž pytaće. Zapodajće pytanske wurazy abo wěstu webadresu, zo byšće pytanske namjety pola, swoje najhusćišo wopytane sydła, zapołožki, historiju a pytawy dóstał — wšitko w samsnym polu.
Móžeće Firefox tež aktualizować abo wukonowe problemy direktnje z pytanskich wuslědkow rozrisać. Při składnosći móžeće pokiw z Firefox widźeć, kak móžeće při pytanju čas zalutować.
Čitajće dale, zo byšće wjace wo mócnych funkcijach adresoweho pola zhonił.
Zapis wobsaha
Ze standardnej pytawu pytać
Hdyž z pomocu adresoweho pola pytaće, so waša standardna pytawa wužiwa. Zapodajće prošu swój pytanski wuraz do adresoweho pola a tłóčće Enter⏎.
Zo byšće swoju standardnu pytawu změnił, hlejće Standardne pytanske nastajenja w Firefox změnić.
Přistup k swojim najhusćišo wopytanym sydłam z adresoweho pola
Waše Najhusćišo wopytane sydłanajhusćišo wopytane sydła su te, kotrež najhusćišo wopytujeće (kombinacija njedawno a najhusćišo wopytanych sydłow), kaž tež sydła, kotrež sće připjał připjał. Maće přistup k swojim najlubšim stronam z wuběranskeje lisćiny, hdyž do adresoweho pola kliknjeće. Jeli sće Firefox prěni raz instalował, so sydła na wjerškowych městnach po standardźe namjetuja.
Najhusćišo wopytane sydła so w samsnym porjedźe kaž zwjazanske kachlički na wašej stronje noweho rajtarka jewja.(móžeće je na wašej stronje noweho rajtarka přiměrić).
Pytanske skrótšenki
Hdyž do adresoweho pola klikaće a pytawu z wuběranskeje lisćiny wuběraće (na přikład Google abo Amazon) so w adresowym polu skrótšenka (na přikład @amazon) zjewi, zo byšće móhł pytanje přewjesć, bjeztoho zo byšće pytansku stronu začitał. Zapodajće prosće swój pytanski wuraz za skrótšenku pytawy, zo byšće swoje pytanje přewjedźił (na přikład @amazon Kinderbücher). Hdyž @ do adresoweho pola zapodawaće, so lisćina wšěch skrótšenkow pytawy pokazuje, kotrež so z @ započinaja. Tłóčće ↓ abo klikńće na nju, zo byšće tajku wubrał.
Móžeće tež skrótšenki wužiwać, zo byšće přidatki Firefox, zapołožki (*), rajtarki (%) a historiju (^) přepytał.
Pokiw: Jeli nochceće myšku wužiwać abo pytanska skrótšenka so w lisćinje njejewi, móžeće skrótšenku pytawy abo prosće prěni dźěl (na přikład @a abo @amazon) zapodać a tłóčće potom Enter⏎ a zapodajće swój pytanski wuraz.
Alternatiwne pytawy
Hdyž započnjeće, pytanski wuraz do adresoweho pola zapodawać, budźeće symbole za druhe pytawy widźeć, kotrež móžeće wužiwać:
Móžeće alternatiwnu pytawu wubrać a ju za pytanje z jednym kliknjenjom wužiwać, jeli nochceće aktualnu standardnu pytawu wužiwać.
Móžeće tež pytawu wubrać, hdyž Alt + ↓ abo Alt + ↑⌥ + ↓ abo ⌥ + ↑ wospjet tłóčiće.
Za dalše informacije wo wužiwanju alternatiwnych pytawow hlejće Standardne pytanske nastajenja w Firefox změnić.
Druhe pytanje wužiwać
Hdyž pytanski wuraz do adresoweho pola zapodawaće, budźeće symbole widźeć, z kotrymiž móžeće město toho pytać: druhe pytawy, přidatki Firefox, zapołožki, rajtarki abo historija.
Móžeće alternatiwny pytanski typ wubrać a jón za swoje pytanje z jednym kliknjenjom wužiwać, jeli nochceće aktualne standardne pytanje wužiwać.
Móžeće tež z pomocu tastowych skrótšenkow Alt + ↓ abo Alt + ↑⌥ + ↓ abo ⌥ + ↑ wospjet pytać.
Za dalše informacije wo wužiwanju alternatiwnych pytawow hlejće Standardne pytanske nastajenja w Firefox změnić.
Pytanske namjety
Firefox wam relewantne pytanske wurazy a samo rozrisanja nastupajo wotmołwu abo nadawk, za kotrymž pytaće. Tu su někotre přikłady pytanskich namjetow.
Namjety klučowych słowow
Hdyž pytanje w adresowym polu startujeće, Firefox relewantne woblubowane pytanja namjetuje, kotrež su so přez pytawy kaž Google, Bing atd. přewjedli. Hdyž pytanske namjety su zmóžnjene, so tekst, kotryž zapodawaće, na standardnu pytawu sćele, kotrež słowa analyzuje a lisćinu podobnych pytanjow pokazuje.
Pisajće ? před swojim zapodaćom (na přikład ?mozilla support)
- jeli chceće jenož pytanske namjety widźeć
- abo jeli chceće pytanske namjety widźeć, hačrunjež nastajenje „Pytanske namjety we wuslědkach adresoweho pola pokazać“ je znjemóžnjene (ale nastajenje „Pytanske namjety podać“ dyrbi zmóžnjene być).
Hdyž pytansku skrótšenku wužiwaće, namjety klučowych słowow z wubraneje pytawy pochadźeja.
Inteligentne klučowe słowa namjety klučowych słowow nječinja.
Sydłowe namjety
Hdyž do adresoweho pola pisaće, móže Firefox relewantne sydłowe namjety poskićić, na přikład websydła z wašeje přehladowanskeje historije, zapołožki a wočinjene rajtarki, zo by wam pomhał, spěšnje a lochko po webje nawigować. Zo byšće wjace zhonił, hlejće Namjety awtowudospołnjenja adresoweho pola w Firefox.
Awtomatiske wudospołnjenje URL
Hdyž webadresu abo pytanski wuraz do adresoweho pola zapodawaće, funkcija awtowudospołnjenja URL awtomatisce dokónča, štož na zakładźe hodźacych so websydłow we wašich zapołožkach, historiji abo woblubowanych websydłach zapodawaće. To wam zmóžnja, websydła w jenož mało stłóčenjach tasty (myška trěbna njeje). Tłóčće prosće Enter⏎, hdyž Firefox wotpowědnik namaka.
Při pytanju awtowudospołnjenju URL zadźěwać
Jeli so pytanski wuraz awtomatisce do webadresy wudospołnjuje, kotruž nochceće wopytać, tłóčće Entf, Backspacedelete abo Space prjedy hač Enter⏎ tłóčiće.
Móžeće tež swój pytanski wuraz z ? započeć, zo byšće awtowudospołnjenju zadźěwał (na přikład: "?mozilla.org"). To tež tomu zadźěwa, zo waše pytanje zapołožki, inteligentne klučowe słowa a pytanske skrótšenki awtomatisce wudospołnjuje.
Tłóčatka za rozrisanja Firefox
Firefox wam zmóžnja, rozrisanja za huste nadawki dóstać, na přikład sćahowanje, aktualizowanje abo rozrisowanje problemow z Firefox. Hdyž nadawk zapodawaće, budźe Firefox rozrisanje namjetować, zo byšće móhł problem rozrisać a z tym dale činić, štož je wam wažne.
Přikład: Zapodawanje „download Firefox“, hdyž sće Firefox hižo instalował.
