Što je so ze swojimi barbowymi kombinacijemi stało?

8. februara 2022 je 18 barbowych kombinacijow wuběžało, kotrež je so z wersiju 94 Firefox zawjedło. To signalizuje kónc wosebiteje časowje wobmjezowaneje sadźby funkcijow. Móžeće wšak swoju najlubšu barbowu kombinaciju wobchować, jeli sće ju na datumje spadnjenja wužiwał. Hinak prajene, barbowa kombinacija, kotraž bě we woknje zrjadowaku přidatkow „zmóžnjena“, na přeco waša wostanje.

Klikńće na menijowe tłóčatko , potom na Přidatki a drasty a wubjerće Drasty. To was k woknu Drasty zrjadowaka přidatkow wjedźe. Drasta, kotraž so runje wužiwa, so horjeka pokazuje, pod Zmóžnjeny.

Po tym zo zběrka barbowych kombinacijow wersije 94 je wuběžała, pytnjeće někotre změny w zrjadowaku přidatkow. Wotrězk barbowych kombinacijow so hižo njejewi, a waša aktiwna, zmóžnjena barbowa kombinacija we wotrězku „Zmóžnjeny“ mjez druhimi systemowymi drastami a drastami třećich poskićowarjow wostawa. Hdyž tutu barbowu kombinaciju znjemóžnjeće, budźe so wona we wotrězku „Znjemóžnjeny“ jewić.

Što je, jeli na wersiju 97 Firefox njeaktualizuju?

Njedźiwajo na wersiju (wersija 94 a nowše), maće dale přistup k barbowym kombinacijam wersije 94, kotrež sće połnóc 8. februra 2022 zmóžnił.

Budu swoju staru barbowu kombinaciju wobchowować, po tym zo sym na Firefox 97 zaktualizował?

Haj. Hdyž na wersiju 97 Firefox aktualizujeće, maće dale přistup k barbowej kombinaciji, kotraž bě 8. februara 2022 zmóžnjena a maće přistup ke wšěm šěsć nowym barbowym kombinacijam. Waša barbowa kombinacija wersije 94 a barbowe kombinacije wersije 97 su w zrjadowaku přidatkow k dispoziciji.