Maće problemy websydło začitać? Žadyn strach — smy tu, zo bychmy wam pomhali. Tutón nastawk wam pokaza, kak móžeće problem rozrisać, zo byšće móhł zaso web přehladować.

Pokiw: Jeli maće problem z websydłom, klikńće na zamkowy symbol w adresowym polu, zo byšće hladał, hač Firefox je dźěle strony zablokował, kotrež wěste njejsu. Hlejće Blokowanje měšaneho wobsaha w Firefox za podrobnosće.

Wuslědźmy najprjedy, što problem je

Z trochu detektiwnym dźěłom, móžemy zawinu problema zamjezować.

1. Wočińće nowy rajtark a hladajće, hač móžeće druhe websydło kaž google.com abo mozilla.org začitać.
   • Jeli móžeće druhe sydło wočinić, skočće dele k Problem jenož z někotarymi websydłami wustupuje.
   • Jeli njemóžeće druhe sydło wočinić, přeńdźće k přichodnemu krokej.
2. Startujće druhi wobhladowak kaž na přikład Internet Explorer abo Microsoft EdgeSafariGoogle Chrome, a spytajće sydło wočinjeće, z kotrymž maće problemy.
   • Jeli sydło w druhim wobhladowaku funguje, hlejće Problem jenož w Firefox wustupuje.
   • Jeli sydło ani w druhim wobhladowaku njefunguje, čitajće Problem we wšěch webwobhladowakach wustupuje.

Problem jenož z někotarymi websydłami wustupuje

Jeli jedyn ze slědowacych zmylkowych zdźělenkow widźiće, móhło jenož problem z pufrowakom Firefox być:

• Zwisk je so přetorhnył
• Zwisk je so wróćo stajił
• Zwisk je čas překročił

Spytajće placki Firefox zhašeć a jeho pufrowak wuprózdnić

Přewjedźće tute kroki a začitajće potom websydło znowa, z kotrymž problemy maće.

1. Klikńće na menijowe tłóčatko Wobraz "fx57menu" njeeksistuje., zo byšće menijowe wokno wočinił.
2. Klikńće na Historija a wubjerće Aktualnu historiju wuprózdnić…
3. Wubjerće z wuběranskeho menija Časowa doba za wuprózdnjenje: zapisk Wšo.
4. Wubjerće Placki a Pufrowak pod wuběranskim menijom. Zawěsćće, zo druhe zapiski, kotrež chceće wobchować, wubrane njejsu.
5. Klikńće na W porjadkuNětko wuprózdnić.

Jeli zhašenje plackow Firefox a wuprózdnjenje pufrowaka njepomhatej, je to najskerje znamjo, zo je problem z websydłom samym. W tym padźe dyrbiće prosće na to čakać, doniž so njeporjedźa. Z wulkimi sydłami kaž Twitter abo Facebook móže to za mało mjeńšin sčinjene być.

Jeli žanu z horjeka mjenowanych zmylkowych zdźělenkow njewidźiće, přepruwujće, hač jedyn ze slědowacych problemow trjechi:

Websydło so začita, ale porjadnje njefunguje

Jeli websydło korektnje njewupada abo na te wašnje, kotrež wočakujeće, docyła njefunguje, měł wy slědowace nastawki čitać:

Problem jenož na wěstym (https) websydle wustupuje

Wobhladajće sej webadresu w adresowym polu. Započina so z https:// (dźiwajće na „s“)? Jeli haj, hladajće, hač jednu ze slědowacych zmylkowych zdźělenkow widźiće:

• Za zmylkowu stronu „Warnowanje: Potencielne wěstotne riziko prědku“ hlejće nastawkaj Što „Waš zwisk wěsty njeje“ woznamjenja? a Kak móžeće zmylk „SEC_ERRTOR_UNKNOWN_ISSUER“ na wěstych sydłach rozrisać.
• Za zmylkowu stronu „Wěsty zwisk móžny njeje“ abo „Njeje so zwjazało: Potencielny wěstotny problem“ hlejće Zmylkowu zdźělenku „Wěsty zwisk móžny njeje“ wotstronić.
• Za zmylkowu stronu „Waš ličakowy časnik wopak dźe“ hlejće How to troubleshoot time related errors on secure websites.

Problem jenož w Firefox wustupuje

Jeli druhi webwobhladowak derje funguje, móhło jedne ze slědowacych rozrisanjow pomhać:

• Firefox njemóže websydła začitać, druhe wobhladowaki móža to činić - jeli móžeće sej websydła w druhich wobhladowakach hač Firefox wobhladać.
• Fix problems connecting to websites after updating Firefox - jeli na zwiskowe problemy storkaće, po tym zo sće Firefox zaktualizował.

Jeli slědowace zmylkowe zdźělenki widźiće, Firefox přistup k internetej přez proksyserwer pospytuje:

• Proksyserwer zwiski wotpokazuje
• Njemóžeće proksyserwer namakać

Jeli so z intermetom přez proksy zwjazujeće, přirunajće nastajenja Firefox z nastajenjemi Internet Explorer — hlejće Přewodnik Microsoft k proksynastenjam (jendźelsce).Hlejće Enter proxy server settings on Mac (jendźelsce) w pomocy Apple za dalše informacije wo proksynastajenjach.

Zo byšće swoje zwiskowe nastajenja w Firefox přepruwował:

1. Klikńće w menijowej lajsće horjeka na wobrazowce na Firefox a wubjerće potom Nastajenja, po wersiji macOS.Klikńće na menijowe tłóčatko a wubjerće Nastajenja.
2. Klikńće we woknje Powšitkowny, dźiće dele k wotrězkej Syćowe nastajenja.
3. Klikńće na Nastajenja…. Dialog Zwiskowe nastajenja so wočini.
4. Změńće swoje proksynastajenja:
   • Jeli so z internetom přez proksy njezwjazujeće (abo njewěsće, hač so přez proksy zwjazujeće), wubjerće Žadyn proksy.
5. Začińće dialog „Zwiskowe nastajenja“.
6. Začińće stronu Nastajenja. Wšě změny, kotrež sće přewjedł, budu so awtomatisce składować.

Problem we wšěch webwobhladowakach wustupuje

To je najskerje problem z wašim internetnym zwiskom. Hlejće Firefox a druhe wobhladowaki njemóža websydła začitać za někotre namjety, tutón problem rozrisać.

Druhe, mjenje huste problemy

• Websydło zdźěla, zo Firefox je zestarjeny, inkompatibelny abo so njepodpěruje - hlejće How to reset the default user agent on Firefox.
• Złowólne zmylki websydłow - jeli warnowanje kaž „Podhladne nadpadowe sydło!" abo "Podhladna webwobšuda!" widźiće, je Firefox přistup k websydłu zablokował, kotrež wopytujeće, zo by was před škódnej softwaru abo webwobšudu (phishing) škitał. Za dalše informacije hlejće Phishing and Malware Protection (Mozilla.org).
• Modus offline - jeli zdźělenku wo modusu offline widźiće, sće snano nastajił, zo Firefox nima waš sycówy zwisk wužiwać. Přeswědčće so, zo waš ličak ma syćowy zwisk a:
  • Klikńće na menijowe tłóčatko , potom na Wjace a hladajće, hač Offline dźěłać je znjemóžnjenyKlikńće na Dataja w menijowej lajsće (móžeće tastu Alt tłóčić a spušćić, zo byšće menijowu lajstu nachwilu pokazał), a hladajće, hač Offline dźěłać je znjemóžnjeny..
• Strona njeprawje posrědkuje - tutón problem móže so přez problemy z plackami zawinować. Hlejće Websites say cookies are blocked - Unblock them za dalše informacije.
• Jeli zmylkowu zdźělenku Dataja njeje so namakała dóstanjeće, spytajće problem ze slědowacymaj nastawkomaj rozrisać:
  • Problemy z rozšěrjenjemi, drastami a hardwarowym pospěšenjom rozrisać
  • Problemy Firefox rozrisać, kotrež so přez škódne programy zawinuja
• Zmylk při kodowanju wobsaha - jeli zmylkowu zdźělenku Zmylk při kodowanju wobsaha abo Strona, kotruž pospytujeće sej wobhladać, njeda so pokazać, dokelž njepłaćiwu abo njepodpěrowanu formu zhusćenja wužiwa dóstanjeće, přewjedźće slědowace kroki, zo byšće jej diagnosticěrował a porjedźił:
  1. Přepruwujće nastajenja internetnych wěstotnych nałoženjow, kotrež wužiwaće (mjez nimi wohnjomurje, antwirusowe abo antispionažne programy a programy za škitanje priwatnosće). Wy měł spytać, prawa wotstronić, kotrež te nałoženja maće za Firefox a přidajće je znowa. Za instrukcije, kotrež su specifiske za wjele nałoženjow, hlejće Wohnjowe murje tak konfigurować, zo by Firefox móhł z internetom zwjazać.
  2. Přewjedźće standardne kroki za rozrisowanje problemow.
• Tuta adresa je wobmjezowana - tutón zmylk so stawa, hdyž pospytujeće so z webserwerom na porće zwjazować, kotryž je za druhe nałoženje wuměnjeny. Jeli websydło, kotrež chceće wopytać, dwudypk slědowany přez ličbu w jeho adresy wobsahuje (na přikład http://website.com:23), spytajće tutón dźěl wotstronjeć (http://website.com) abo wuměńće jón z :80 (http://website.com:80). Jeli to njefunguje, sće snano wopačnu adresu dóstał.
• DNS-pufrowak je njepłaćiwy - DNS je słužba, kotraž domenu websydła do IP-adresy konwertuje, kotruž Firefox wužiwa, zo by so z websydłom zwjazał. Tute informacije so w DNS-pufrowaku wašeho ličaka składuja, zo by so spěšnosće powyšili. Jeli pak datowa sadźba DNS-pufrowaka je wobškodźena abo websydło je IP-adresu změniło, so Firefox snano k wopačnemu serwerej dale posrědkuje. Nastawk Firefox a druhe wobhladowaki njemóža websydła začitać wujasnja, kak móžeće DNS-pufrowak wuprózdnić. Za dalše informacije hlejće https://www.whatsmydns.net/flush-dns.html.

Bazuje na informacijach z nastawka Error loading websites (mozillaZine KB)