Firefox a Thunderbird instalujetej opcionalnu słužbu, kotraž wothladowanska słužba Mozilla rěka (jendźelsce: Mozilla Maintenance Service), kotraž aktualizowanje programow w pozadku zmóžnja bjez toho, zo byšće dyrbjał we wodźenju wužiwarskich kontow (němsce: Windows-Benutzerkontensteuerung (UAC), jendźelsce: User Account Control) na Ja kliknyć.

Kak wothladowanska słužba Mozilla funguje

Hdyž Firefox abo Thunderbird programowu aktualizaciju sćahuje, dóstawa wothladowanska słužba Mozilla dowolnosć wot Windows, aktualizaciju nałožić bjez toho, zo byšće dyrbjał we wodźenju wužiwarskich kontow na Ja kliknyć. Hač do toho słužba njeběži a njepřetrjebuje resursy ličaka a słužba so kónči, hdyž so aktualizowanski proces započina. Chceće wjace techniskich podrobnosćow? Hlejće tutu stronu wikija Mozilla.

Wothladowansku słužbu Mozilla znjemóžnić

Jeli chceće, zo so was prašeja, hač aktualizacije dowoleće, móžeće wothladowansku słužbu Mozilla na slědowace wašnje znjemóžnić:

Firefox

1. Klikńće w menijowej lajsće horjeka na wobrazowce na Firefox a wubjerće potom Nastajenja, po wersiji macOS.Klikńće na menijowe tłóčatko a wubjerće Nastajenja.
2. Klikńće do wokna Powšitkowny.
3. Kulće dele k Aktualizacije Firefox. (Pokiw: Móžeće tež w pytanskim polu za aktualizacijemi pytać.)
4. Wotstrońće hóčku pódla Pozadkowu słužbu za instalowanje aktualizacijow wužiwać.

Thunderbird

1. Klikńće w menijowej lajsće na meni Thunderbird a wubjerće NastajenjaKlikńće na menijowe tłóčatko a wubjerće Nastajenja.
2. Klikńće na wotrězk Rozšěrjeny.
3. Klikńće na rajtark Aktualizować. Aktualizowanske nastajenja so pokazuja.
4. Wotstrońće hóčku pódla Pozadkowu słužbu za instalowanje aktualizacijow wužiwać.
5. Klikńće na W porjadku, zo byšće swoje změny składował a začińće wokno nastajenjow.

Wothladowansku słužbu Mozilla wotinstalować

Móžeće wothladowansku słužbu Mozilla ze swojeho ličaka wotinstalować, jeli chceće.

• Windows 7: Hlejće nastawk Microsoft, Windows 7 – Programme ordnungsgemäß deinstallieren (němsce).
• Windows 8: Hlejće nitku foruma zhromadźenstwa Microsoft, How do I delete or uninstall a program in windows 8 (jendźelsce).
• Windows 10: Hlejće nastawk Microsoft Apps und Programme in Windows 10 deinstallieren oder entfernen (němsce).