Dodanki wam zmóžnjaju mjenjej abo wěcej wužytne funkcije Firefox pśidaś. Su dodanki, kótarež pśirownuju płaśizny, informěruju wó wjedrje, změnjaju wenkowny naglěd Firefox, wótgrawaju muziku abo aktualizěruju samo waš profil na Facebooku. Toś ten nastawk wobjadna rozdźělne typy dodankow, kótarež su k dispoziciji a kak móžośo je namakaś a instalěrowaś.

Kótare typy dodankow mógu instalěrowaś?

Toś te powšykne typy dodankow daju se instalěrowaś:

• Rozšyrjenja
  Rozšyrjenja pśidawaju Firefox nowe funkcije abo změnjaju eksistěrujuce funkcije. Su rozšyrjenja, kótarež wam zmóžnjaju, wabjenje blokěrowaś, wideo z websedłow ześěgnuś, Firefox do websedłow ako Facebook abo Twitter integrěrowaś a funkcije z drugich wobglědowakow pśidaś, ako na pśikład pśełožowańske funkcije.
• Drastwy
  Drastwy mógu menijowu a rejtarikowu rědku ze slězynowym wobrazom pśerědniś. Firefox teke zatwarjone drastwy wopśimujo. Za dalšne informacje wó zatwarjonych drastwach glejśo Built-in themes in Firefox - alternative to complete themes.
• Tykace
  Firefox Google Widevine CDM za wobgědowanje wopśimjeśa wóźonego pśez Digital Rights Management (DRM) a tykač OpenH264 za wideowołanja awtomatiski ześěgujo.
• Słowniki
  Firefox móžo waš pšawopis kontrolěrowaś, ale nic wšykne rěcne wersije pśedinstalěrowany słownik sobu pśinjasu, z licencnych pśicynow. Móžośo za swóju rěc słownik pytaś a instalěrowaś. (Aby rěc wužywaŕskego pówjercha Firefox změnił, glejśo nastawk Use Firefox in another language.)
• Pytnice
  Firefox rěd južo zainstalěrowanych pytnicow sobu pśinjaso. Maśo k nim pśistup z pytańskego póla (jolic zmóžnjone), abo direktnje z adresowego póla. Jolic cośo dalšne pytnice pśidaś, móžośo je direktnje na websedłach instalěrowaś, abo z addons.mozilla.org.

Waše zainstalěrowane dodanki pokazaś a zastojaś

Pytnice daju se we woknje Pytaś w nastajenjach Firefox pokazaś a zastojaś. Za dalšne dodanki:

1. Klikniśo ma menijowy tłocašk a wubjeŕśo DodankiDodanki a drastwy. Rejtarik zastojnika dodankow se wócynijo.
2. Wubjeŕśo wokno za ten dodankowy typ, kótaryž cośo pokazaś abo zastojaś, na pśikład Rozšyrjenja, Drastwy abo TykaceRozšyrjenja abo Drastwy.

Za podrobne informacije, kak móžośo dodanki znjemóžniś abo wótwónoźeś, glejśo Dodanki znjemóžniś abo wótwónoźeś.

Kak mógu dodanki namakaś a instalěrowaś?

Pśewjeźćo slědujuce kšace:

1. Firefox móžo personalizěrowane dopórucenja póbitowaś. Klikniśo na menijowy tłocašk pótom na Dodanki a drastwy a wubjeŕśo Dopórucenja.
2. Aby dopórucony dodank instalěrował, klikniśo na módry tłocašk + Drastwu instalěrowaś abo + Firefox pśidaś, we wótwisnosći wót dodankowego typa.

Dołojce na lisćinje dopóruconych dodankow, jo teke tłocašk Dalšne dodanki pytaś, na kótarež móžośo kliknuś. Wjeźo was k addons.mozilla.org, źož móžośo za wěstymi dodankami pytaś.

Za nazgónite wužywarje: Móžośo teke dodanki z dataje instalěrowaś. Jolic sćo składł instalěrowańsku dataju na swójom licadle (na pśikład .xpi- abo .jar-dataju), móžośo dodank ze symbolom zubkatego kólaska górjejce napšawo we woknje Rozšyrjenja zastojnika dodankow instalěrowaś. Wubjeŕśo Dodank z dataje instalěrowaś... z menija, pytajśo pótom za dataju a wubjeŕśo ju.

Někotare rozšyrjenja placěruju tłocašk w symbolowej rědce pó instalaciji. Móžośo je wótwónoźeś abo do menija pśesunuś, jolic cośo - glejśo Wóźeńske elementy, tłocaški a symbolowe rědki w Firefox pśiměriś.

Jolic cośo dodank wótinstalěrowaś, glejśo Dodanki znjemóžniś abo wótwónoźeś.

Problemy z dodankami rozwězaś

Za informacije wó rozwězowanju problemow z rozšyrjenjami, tykacami abo drastwamirozšyrjenjami abo drastwami, glejśo slědujuce nastawki.

Problemy z instalěrowanim abo wótinstalěrowanim dodankow

• Unable to install add-ons (extensions or themes)
• Cannot remove an add-on (extension or theme)

Problemy zawinowane pśez dodanki

• Problemy z rozšyrjenjami, drastwami a hardwarowym póspěšenim rozwězaś
• Problemy Firefox rozwězaś, kótarež zawinuju se pśez škódne programy
• Symbolowe rědki wótpóraś, kótarež su wašo pytanje Firefox a waš startowy bok změnili
• Re-enable add-ons that were disabled when updating Firefox
• Add-ons that cause stability or security issues are put on a blocklist
• Signěrowanje dodankow