Modus za rozwězowanje problemow Firefox z někotarymi znjemóžnjonymi funkcijami a pśiměrjenjami startujo (glejśo dołojce za drobnostki). Jolic problem w Firefox maśo, kótaryž w modusu za rozwězowanje problemow njenastawa, jo jaden ze znjemóžnjonych elementow zawina problema.

Kak Firefox w modusu za rozwězowanje problemow startujośo

Klikniśo na menijowy tłocašk , pótom na Pomoc, wubjeŕśo Modus za rozwězowanje problemow… a klikniśo na Znowego startowaś w dialogu Firefox w modusu za rozwězowanje problemow znowego startowaś?.

Wokno modusa za rozwězowanje problemow

Maśo dwě móžnosći:

• Gaž na tłocašk Wócyniś klikaśo, se Firefox ze standardneju drastwu startujo, waše rozšyrjenja a někotare druge funkcije a pśiměrjenja se znjemóžnjaju. Toś te změny su nachylne. Gaž modus za rozwězowanje problemow spušćaśo a Firefox normalnje startujośo, se waše dodanki a druge nastajenja k stawoju wrośiju, w kótaremž su byli, nježli až sćo stupił do modusa za rozwězowanje problemow.
• Klikniśo na tłocašk Firefox slědk stajiś, aby Firefox na wuchadny staw slědk stajił a swóje nejwažnjejše daty składował. Toś te změny su trajne. Glejśo Firefox wótnowiś - dodanki a nastajenja slědk stajiś za dalšne informacije, nježli až toś tu móžnosć wuběraśo.

Diagnosticěrowanje problemow w modusu za rozwězowanje problemow

Za tym až sćo startował Firefox w modusu za rozwězowanje problemow, móžośo jogo zaźaržanje testowaś a glědaś, lěc problem jo rozwězany.

Problem w modusu za rozwězowanje problemow nastawa

Jolic problem teke w modusu za rozwězowanje problemow nastawa, njezawinujo se pśez rozšyrjenje abo drastwu. Druge móžne zawiny by mógli změny byś, kótarež su se pśewjadli w nastajenjach Firefox a kótarež se w modusu za rozwězowanje problemow njeznjemóžnjaju. Glejśo slědujuce nastawki za rozwězanja:

• Problemy Firefox diagnosticěrowaś a rozwězaś
• Nastajenja Firefox za rozwězowanje problemow slědk stajiś

Problem w modusu za rozwězowanje problemow njenastawa

Jolic problem w modusu za rozwězowanje problemow njenastawa, jo zwětšego zawina rozšyrjenje, drastwa abo hardwarowe póspěšenje. Cytajśo slědujucy nastawk za rozwězanja:

• Problemy z rozšyrjenjami, drastwami a hardwarowym póspěšenim rozwězaś

Modus za rozwězowanje problemow spušćiś

1. Klikniśo na meni Firefox a wubjeŕśo Skóńcyś. Klikniśo na meni Firefox górjejce na wobrazowce a wubjeŕśo Firefox skóńcyś.Klikniśo na meni Firefox a wubjeŕśo Skóńcyś.

2. Startujśo Firefox ako cyniśo to zwětšego.
   • Jolic Firefox se dalej w modusu za rozwězowanje problemow startujo, glejśo Firefox wóstawa štycecy we wěstem modusu.

Co modus za rozwězowanje problemow znjemóžnja?

Bazěrujo na informacijach z nastawka Safe mode (mozillaZine KB)

Źělśo toś ten nastawk: mzl.la/firefox-troubleshoot