Firefox for Android
Firefox for Android
Wutworjeny:
Wutworjeny:
Wjele gestow, kotrež hižo wužiwaće, zo byšće na swojim graće Android nawigował, dadźa so w Firefox wužiwać.
Firefox za Android ma wosebita funkcija, kotraž skalowanje na websydłach zmóžnja. Hlejće Force enable zoom in Firefox for Android Beta za dalše informacije.
Zapis wobsaha
Trějće w adresowym polu, zo byšće k druhemu rajtarkej přešoł
Tuta funkcija sej wersiju 81 Firefox za Android abo nowšu wužaduje. Hlejće Na najnowšu wersiju Firefox za Android aktualizować, zo byšće wjace zhonił.
Trějće nalěwo a naprawo w adresowym polu, zo byšće so spěšnje mjez swojimi wočinjenymi pohibował.
Powjetšić a pomjeńšić
Zo byšće na stronje, kotruž sej wobhladujeće, powjetšił abo pomjeńšił, móžeće so dwójce wobrazowki podótknyć abo dwuporstowy pohib wužiwać. Zo byšće wjace wo tym zhonił, kak móžeće gesty za skalowanje wužiwać, čitajće Websydła w Firefox za Android powjetšić a pomjeńšić.
Dalše nastajenja pokazać
Podótkńće so wobrazowki dołho, zo byšće kontekstowy meni pokazał, kotryž na tym městnje, hdźež sće so podótknył.
- Wotkazy: Wočińće wotkaz w nowym rajtarku, kopěrujće jón, dźělće jón abo přidajće jón swojim zapołožkam.
- Wobrazy: Kopěrujće, dźělće abo składujće wobraz na swojim graće.
- Wotkazy zapołožkow: Wočińće wotkaz w nowym rajtarku, dźělće jón, wobdźěłajće jón tak, kak ma so we wašej lisćinje jewić, wotstrońće jón abo přidajće jón swojej startowej wobrazowce.
- Wotkazy historije: Wočińće wotkaz w nowym rajtarku, dźělće jón, wotstrońće jón abo přidajće jón swojej startowej wobrazowce.
- Tekst: Podótkńće so teksta dołho, zo byšće słowo wubrał; móžeće potom oranžowe znamješka na woběmaj bokomaj słowa wužiwać, zo byšće wjace tekst wuzběhnył, jeli chceće. Podótkńće so wuzběhnjeneho teksta dołho, zo byšće tekst kopěrował abo dźělił abo wšón tekst na stronje wubrał.
- Webadresa: Dźělće, abonujće stronu abo přidajće ju swojej startowej wobrazowce. Jeli sydło ma swójsku pytansku móžnosć, kotraž standardam OpenSearch wotpowěduje, maće móžnosć te sydło jako pytawu přidać. To wam zmóžnja, na tym sydle direktnje z pytanskeho pola pytać.
