Faqerojtësit janë lidhje te sajte, që e bëjnë të lehtë rikthimin te një vend i parapëlqyer. Ky artikull merret me gjërat bazë si krijimi dhe administrimi i faqerojtësve.

Si ta faqeruaj një faqe?

Kollaj fare — thjesht klikoni mbi yllin!

Si ta ndryshoj emrin dhe vendndodhjen e një faqerojtësi?

1. Për të përpunuar hollësitë e një faqerojtësi, klikoni edhe një herë tjetër mbi yllin, që të hapet dritarja Përpunoni Këtë Faqerojtës.#;
   • Te kutia Përpunoni Këtë Faqerojtës mund të ndryshoni cilëndo nga këto hollësi:
     • Emër: Ky është emri që Firefox-i shfaq në menura për këtë faqerojtës.
     • Dosje: Zgjidhni te cila dosje të ruhet faqerojtësi , duke zgjedhur një të tillë prej menusë hapmbyll (për shembull, Menuja e Faqerojtësve ose Paneli i Faqerojtësve). Te menuja hapmbyll mund të përzgjidhni gjithashtu Zgjidhni... që të shfaqet një listë e krejt dosjeve për faqerojtës.
     • Etiketa: Si ndihmë gjatë kërkimeve dhe sistemimit të faqerojtësve mund të përdorni etiketa për ta. Për më tepër të dhëna, shihni Etiketa faqerojtësish.
2. Kur të keni përfunduar së përpunuari, klikoni U bë që të mbyllet kutia.

Ku mund t’i gjej faqerojtësit e mi?

Rruga më e lehtë për të gjetur një sajt që e keni faqeruajtur është të filloni të shtypni emrin e tij te shtylla e adresave. Ndërkohë që shtypni, do të shfaqet një listë e sajteve që keni faqeruajtur, etiketuar dhe vizituar. Sajtet e faqeruajtur do të kenë në krah një yll të verdhëblu. Ju mbetet veç të klikoni mbi një nga sajtet dhe do të kaloheni në çast atje. Për të mësuar më tepër rreth kësaj, shihni Kërkoni në faqerojtësit, historikun dhe skedat tuaja përmes Shtyllës së Mahnitshme.

Si t’i sistemoj faqerojtësit e mi?

Dritarja Bibliotekë ju lejon të shihni dhe të sistemoni krejt faqerojtësit tuaj.

1. Klikoni butonin Faqerojtës në anën e djathtë të panelit të lëvizjesTe shtylla e menuve, klikoni FaqerojtësNë krye të dritares së Firefox-it, klikoni menunë Faqerojtësa dhe përzgjidhni Shfaqi Krejt Faqerojtësit që të hapet dritarja e Bibliotekës.

   Klikoni butonin Faqerojtës dhe përzgjidhni Shfaqi Krejt Faqerojtësit që të hapet dritarja e Bibliotekës.

   

2. Si parazgjedhje, faqerojtësit që krijoni do të gjenden te dosja Faqerojtës të Parenditur. Përzgjidheni te anështylla e dritares Bibliotekë, që të shihni faqerojtësit që keni krijuar. Dyklikoni mbi një faqerojtës për ta hapur atë.

Te Biblioteka e hapur mund të tërhiqni faqerojtës te dosje të tilla, fjala vjen te dosja Menu Faqerojtësish, dhe kështu faqerojtësit tuaj do të shfaqen në menu nën butonin Faqerojtës. Nëse shtoni faqerojtës te dosja Panel Faqerojtësish, ata do të shfaqen te Paneli i Faqerojtësve.

Se si të administroni një listë gjigante faqerojtësish, shihni artikujt vijues:

• Renditini faqerojtësit për të gjetur shpejt ata që doni
• Përdorni dosje faqerojtësish për të sistemuar faqerojtësit tuaj
• Si të fshij një faqerojtës?

Si ta shfaq Panelin e Faqerojtësve?

Nëse doni të përdorni Panelin e Faqerojtësve, mund ta shfaqni kështu:

Ndihmëza dhe marifete

Jeni gati për më tepër zbavitje me faqerojtësit? Ja disa artikuj të tjerë për t’ju ndihmuar të përfitoni maksimumin prej tyre.

• Përdorini faqerojtësit, skedat, etj, në një kompjuter ose pajisje celulare tjetër: shihni Si ta rregulloj Firefox Sync-un?
• Kalim nga një shfletues në një tjetër? Këta artikuj do t’ju ndihmojnë të merrni faqerojtësit me vete:
  • Importoni Faqerojtës dhe të dhëna personale nga një tjetër shfletues
  • Rimerrni faqerojtësit prej një kopjeruajtjeje ose kalojini në një tjetër kompjuter