დროდადრო, Firefox შეიძლება მეტად იყენებდეს სისტემის სიმძლავრეებს ვებშიგთავსის ჩამოტვირთვის, დამუშავებისა და გამოსახვის დროს. თუ ამჩნევთ, რომ მაღალი დატვირთვა მუდმივად ნარჩუნდება Firefox-ით სარგებლობისას, გადახედეთ ამ სტატიაში მოცემულ სხვადასხვა გზებს.

• პროცესორი (CPU — Central Processing Unit) არის „ტვინი“ კომპიუტერის.
• ოპერატიული (RAM – Random Access Memory) ანუ მეხსიერება ეხმარება კომპიუტერს, შეასრულოს მრავალი დავალება ერთდროულად.
• როდესაც სისტემის სიმძლავრეები დატვირთულია, კომპიუტერის საერთო წარმადობასა და მდგრადობაზე შეიძლება იმოქმედოს.
• იმისდა მიხედვით, თუ რომელი საოპერაციო სისტემა გაქვთ, შეგიძლიათ გადახედოთ ან თვალი ადევნოთ დატვირთვას შესაბამისი ხელსაწყოებით. ვრცლად, იხილეთ ქვემოთ დამატებითი საშუალებები, ხარვეზის აღმოსაფხვრელად.

განაახლეთ ბოლო ვერსიამდე

უახლესი Firefox შესაძლოა შეიცავდეს გაუმჯობესებებს წარმადობაში. განაახლეთ Firefox უახლეს ვერსიაზე.

ხელახლა გაუშვით Firefox

Firefox შესაძლოა მეტად იყენებდეს სისტემის სიმძლავრეებს, თუ დიდი ხნითაა ჩართული. ამის მარტივად მოგვარება შეიძლება დროდადრო Firefox-ის დახურვით და ხელახლა გაშვებით. შეგიძლიათ ისე გამართოთ Firefox, რომ დაიმახსოვროს ჩანართები და ფანჯრები, ხელახლა ჩართვისას კი კვლავ იქიდან განაგრძობთ, სადაც გაჩერდით. ვრცლად, იხილეთ წინა სეანსის აღდგენა და ბოლო ჩანართების ან ფანჯრების დაბრუნება.

გათიშეთ გაფართოებები და თემები, რომლებიც მეტად ტვირთავს სისტემას

გაფართოებებისა და თემების გამო, Firefox შეიძლება მეტად იყენებდეს სისტემის სიმძლავრეებს, ვიდრე მათ გარეშე.

იმის გასარკვევად, ტვირთავს თუ არა Firefox სისტემას გაფართოებებისა და თემების გამოყენებისას, გაუშვით Firefox უსაფრთხო რეჟიმით და დააკვირდით მეხსიერებისა და პროცესორის მოხმარებას. უსაფრთხო რეჟიმში, გაფართოებები და თემები გათიშულია, ასე რომ თუ შესამჩნევი გაუმჯობესება იქნება, შეგიძლია სცადოთ გაფართოებების ცალ-ცალკე ამორთვა ან ამოშლა.

• ვრცლად, Firefox-ის უსაფრთხო რეჟიმით გაშვებასა და საეჭვო გაფართოებების ან თემების აღმოჩენაზე, იხილეთ გაფართოებებთან ან თემებთან დაკავშირებული ხარვეზების აღმოფხვრა.

დამალეთ მომაბეზრებელი შიგთავსი

ვებგვერდების უმეტესობა შეიცავს შიგთავსს, რომლის წაკითხვაც არ გჭირდებათ, მაგრამ მაინც ტვირთავს სისტემას, ეკრანზე გამოსახვის დროს. Firefox-ს აქვს შიგთავსის ჩაშენებული შემზღუდავი, რომელსაც შეუძლია დაზოგოს სისტემის სიმძლავრეები, გარეშე მხარეების მეთვალყურე მასალის ჩატვირთვისთვის ხელის შეშლით. ვრცლად, იხილეთ შიგთავსის შეზღუდვათვალთვალისგან გაძლიერებული დაცვა.

არის გაფართოებებიც, რომლებიც დაგეხმარებათ უსარგებლო შიგთავსის მოცილებაში; მაგალითად:

• Adblock Plus და uBlock Origin საშუალებას მოგცემთ დაფაროთ რეკლამები საიტებზე.
• NoScript-ით კი შეძლებთ შერჩევით ჩართოთ ან გათიშოთ საიტზე გაშვებული სკრიპტები.

გადაამოწმეთ Flash-ის აპარატურული აჩქარება

თუ გიყენიათ Adobe-ის Flash Player მოდული, Flash-შიგთავსის სრულ ეკრანზე გამოსახვისთვის შეიძლება აპარატურული აჩქარების გამოყენება. ეს შეამცირებს დატვირთვას, თუ ცალკე ვიდეოდაფა აყენია სისტემაში.

1. გადადით ვებგვერდზე სადაც Flash-ვიდეოა.
2. მარჯვენა წკაპიდიდხნიანი დაჭერა Ctrl ღილაკზე და წკაპი ვიდეოზე, შემდეგ კი დაწკაპეთ Settings… გამოტანილ მენიუში. გაიხსნება Adobe Flash Player-ის პარამეტრების ეკრანი.
3. დაწკაპეთ ხატულაზე Adobe Flash Player-ის პარამეტრების ფანჯრის ქვედა მარჯვენა მხარეს, რომ გაიხსნას ჩვენების არე.
4. ნახეთ, არის თუ არა Enable hardware acceleration მონიშნული.
5. დაწკაპეთ Close ღილაკზე Adobe Flash Player-ის პარამეტრების ფანჯრის დასახურად.

გამოიყენეთ ნაკლები ჩანართი

თითოეულ ჩანართში გახსნილი ვებგვერდი, Firefox-მა ცალკე უნდა შეინახოს მეხსიერებაში. თუ ხშირად გიწევთ ასობით ჩანართის გახსნა, ჯობია სხვა, უფრო მსუბუქ გზებს მიმართოთ საიტების წასაკითხად, როგორიცაა:

• სანიშნებით სარგებლობა. რჩევა: „ყველა ჩანართის ჩანიშვნით“ შეძლებთ მრავალი ჩანართის დამახსოვრებას.
• ვებგვერდების Pocket-ში შენახვა.
• საქმის დასაგეგმი პროგრამების გამოყენება.

გადაამოწმეთ Firefox-ის აპარატურული აჩქარება

Firefox-ის აპარატურული აჩქარება შეამცირებს მეხსიერებისა და პროცესორის დატვირთვას, არაერთ შემთხვევაში. გადახედეთ Firefox-ის წარმადობის პარამეტრებს, არის თუ არა აპარატურული აჩქარება ჩართული. ასევე დარწმუნდით, რომ თქვენი ვიდეოდაფის დრაივერები განახლებულია.

დაწიეთ, შიგთავსის დამუშავების ზღვარი

მრავალამოცანიანი Firefox, სახელწოდებით „ელექტროლიზი“ ანუ „e10s“, ვებშიგთავსს თითოეული ჩანართისთვის ამუშავებს განცალკევებით Firefox-ის მთავარი პროცესისგან, უსაფრთხოებისა და წარმადობის გასაუმჯობესებლად. შიგთავსის მრავალამოცანიანი დამუშავებით იზრდება სისწრაფე და მცირდება უეცარი გათიშვის შემთხვევები. შეგიძლიათ ჩაასწოროთ Firefox-ის წარმადობის პარამეტრები შიგთავსის დამუშავების შეზღუდვით.

სასურველია არაუმეტეს ოთხი, თუმცა შეიძლება მიუთითოთ შვიდირვა პროცესი; თუმცაღა, მეტი რაოდენობა შეანელებს კომპიუტერს, შესაბამისად Firefox-საც.მიუთითეთ პროცესები, ერთიდან რვამდე. ნაგულისხმევად არის რვა. რაოდენობის მომატება გააუმჯობესებს წარმადობას მრავალი ჩანართის გამოყენებისას, თუმცა გაზრდის ოპერატიული მეხსიერების მოხმარებას. შეგიძლიათ შეამციროთ პროცესების რაოდენობა, თუ თქვენს კომპიუტერს არ ჰყოფნის მეხსიერება.

დახურეთ სხვა პროგრამები

ერთბაშად ბევრი პროგრამის გაშვებამ, შეიძლება შეანელოს კომპიუტერი და შესაბამისად, თავად ეს პროგრამებიც. არასაჭირო პროგრამების დახურვით, სისტემის დატვირთვა შემცირდება.

წაშალეთ დაზიანებული content-prefs.sqlite ფაილი

Firefox ინახავს მონაცემებს სხვადასხვა ფაილების სახით, თქვენი პროფილის საქაღალდეში. ეს ფაილი, რომელიც ცალკეული საიტის პარამეტრების შესანახად გამოიყენება, ზიანდება ხოლმე. თუ მას წაშლით, ვებგვერდის მოახლოების დონე და მსგავსი პარამეტრები შეიძლება ჩამოიყაროს, თუმცა, სამაგიეროდ პროცესორის მოხმარებაც შემცირდება.

1. • დაწკაპეთ მენიუს ღილაკზე , შემდეგ დახმარება (Help) და აირჩიეთ გაუმართაობის აღმოფხვრა (Troubleshooting Information).მენიუდან დახმარება (Help), აირჩიეთ გაუმართაობის აღმოფხვრა (Troubleshooting Information). გაიხსნება ჩანართი მონაცემები გაუმართაობის მოსაგვარებლად.
   • პროგრამის ძირითადი მონაცემების (Application Basics) არეში, „პროფილის საქაღალდის“ გვერდით, დაწკაპეთ საქაღალდის გახსნა ჩვენება Finder-ში(Open Folder)(Show in Finder). გაიხსნება ფანჯარა, სადაც იქნება თქვენი პროფილის საქაღალდე.გაიხსნება თქვენი პროფილის საქაღალდე.
   შენიშვნა: თუ ვერ ხსნით ან ვერ იყენებთ Firefox-ს, მიჰყევით მითითებებს – პროფილის მონახვა, Firefox-ის გაუხსნელად.

2. გახსენით მენიუ ღილაკით და შემდეგ აირჩიეთ გასვლაგასვლა.

   გახსენით Firefox მენიუ და აირჩიეთ გასვლა. დააწკაპეთ Firefox მენიუს ეკრანის ზედა ნაწილში და შემდეგ აირჩიეთ Firefox-ის დახურვას.დააწკაპეთ Firefox მენიუს , შემდეგ აირჩიეთ გასვლა.

3. თქვენი პროფილის საქაღალდეში, წაშალეთ ფაილი content-prefs.sqlite. ხელმეორედ შექმნება, როცა Firefox გაეშვება შემდეგ ჯერზე.

შეაკეთეთ Firefox

Firefox-ის შეკეთების შესაძლებლობით, ბევრი ხარვეზის მოგვარება შეიძლება, რაც თქვენი Firefox-პროფილის ნაგულისხმევ მდგომარეობაში დაბრუნებით ხერხდება, საჭირო მონაცემების დაკარგვის გარეშე. ვრცლად, იხილეთ Firefox-ის შეკეთება.

დამატებითი საშუალებები, ხარვეზის აღმოსაფხვრელად

არსებობს მრავალი ხელსაწყო, რომელიც გამოდგება როგორც Firefox-ის, ასევე თქვენი საოპერაციო სისტემის მიერ, გაზრდილი მოხმარების შესამცირებლად.

Firefox-ის ხელსაწყოები

• Firefox-ის ამოცანათა მმართველი (არ აგერიოთ თავად Windows-ის Task Manager-ში) მშვენიერი საშუალებაა იმის გასარკვევად, რომელი ჩანართი ან გაფართოება ტვირთავს ყველაზე მეტად სისტემას.
• about:memory გვერდი საშუალებას მოგცემთ მოაგვაროთ მეხსიერებასთან დაკავშირებული ცალკეული ხარვეზები (მაგალითად, გამოწვეული ვებსაიტისგან, გაფართოებისგან, თემებისგან და ა.შ.) და ზოგჯერ მისი Minimize memory usage ღილაკი შესაძლოა დაგეხმაროთ მეხსიერების გამოიყენების მყისიერად შემცირებაში. about:memory გვერდის გამოყენების სახელმძვანელო, შეგიძლიათ იხილოთ ბმულზე about:memory.
• იმ შემთხვევაშიც კი თუ არ ხართ პროგრამისტი, შეგიძლიათ მოსინჯოთ სხვა ხელსაწყოებიც და რჩევებიც, განკუთვნილი Firefox-ს შემმუშავებლებისთვის, მეხსიერების გაჟონვის არიდებასთან დაკავშირებით.

საოპერაციო სისტემის ხელსაწყოები

დაამატეთ ოპერატიული თქვენს კომპიუტერს

თუ ზემოთ მოცემული ყველა რჩევა გაითვალისწინეთ და მეხსიერება მაინც თითქმის ბოლომდეა დატვირთული, ალბათ უკვე დროა შეიძინოთ და დაამატოთ ოპერატიული თქვენს კომპიუტერს. გაზრდილი ოპერატიული დიდ შედეგს იძლევა წარმადობისა და სიჩქარის გაუმჯობესებაში.

განაახლეთ თქვენი კომპიუტერი

თუ ზემოთ მოცემული ყველა რჩევა გაითვალისწინეთ და სისტემის მოხმარება მაინც ძალიან მაღალია, ალბათ უკვე დროა განაახლოთ კომპიუტერი. ტექნოლოგიური წინსვლის შედეგად, პროგრამებიც მეტად უმჯობესდება, მათი გამართული მუშაობისთვის კი საჭიროა უფრო მძლავრი კომპიუტერები.