Përditësuar së fundmi:
78% e përdoruesve e kanë votuar këtë si të dobishëm
Dritarja Të Dhëna Faqeje ju jep hollësi teknike rreth faqes ku gjendeni. Që ta hapni:
- Klikoni Butonin e Identitetit të Sajtit (ikona e sajtit, majtas adresës së tij) dhe klikoni mbi butonin kur të shfaqet.
Tabelë e Lëndës
- 1 Të përgjithshme
- 2 Media
- 3 Prurje
- 4 Leje
- 4.1 Të aktivizojë Shtojca
- 4.2 Të mësojë Vendndodhjen tuaj
- 4.3 Të Kalojë Nën Mënyrën Krejt Ekrani
- 4.4 Të fshehë kursorin
- 4.5 Të Instalojë Shtesa
- 4.6 Të Ngarkojë Figura
- 4.7 Të ketë depozitim Jo Në Linjë
- 4.8 Të Ngarkojë Figura
- 4.9 Të Hapë Dritare Flluskë
- 4.10 Të depozitojë Cookies
- 4.11 Të shfaqë Njoftime
- 4.12 Të Instalojë Zgjerime ose Tema
- 4.13 Të Ndajë Vendin Me Të Tjerët
- 4.14 Të ketë depozitim Jo Në Linjë
- 4.15 Të Kalojë Nën Mënyrën Krejt Ekrani
- 4.16 Të fshehë kursorin
- 5 Siguri
Të përgjithshme
Titull Faqeje
- Adresë: Shfaq URL-në (Uniform Resource Locator) e faqes që po vizitoni.
- Lloj: Shfaq lloj lënde (lloj MIME) të faqes që po vizitoni. Ky lloj përcaktohet nga shërbyesi web.
- Mënyrë Hartimi: Tregon nëse faqja është në pajtim me standardet e kodimit web (Mënyra përputhje me standardet), ose nëse Firefox-i duhet ta shfaqë faqen në një mënyrë që është e përputhshme me kod jo-standard (Quirks mode).
- Kodim: Shfaq se çfarë kodimi shkronjash përdor faqja. Kjo mund të ndryshohet te menuja menu.
- Madhësi: Shfaq madhësinë e faqes në kilobajte (dhe bajte).
- Ndryshuar më: Shfaq datën dhe kohën kur qe ndryshuar faqja për herë të fundit.
Meta
Fusha Meta shfaq çfarëdo etikete "meta" që përmban kodi burim i faqes. Këto mund të përfshijnë hollësi mbi lloje kartelash, kodim shkronjash, autorë, fjalëkyçe, etj.
Të dhëna Sigurie për faqen
Shfaq të dhëna të përgjithshme lidhur me përdorimin ose jo nga ana e sajtit të Dëshmi për vleftësimin e identitetit të vet dhe nëse është apo jo e shifruar lidhja. Për më tepër të dhëna, klikoni mbi butonin , i cili ju shpie te paneli i Sigurisë, dritarja Të dhëna Faqeje.
Media
Paneli Media shfaq URL-në dhe llojin e krejt sfondeve, figurave, dhe lëndës së trupëzuar (përfshi audio dhe video) që ngarkohet te faqja. Mund të klikoni mbi çdo objekt, që të mësoni më tepër rreth tij, përfshi:
- Vendin: URL-në e objektit të dhënë
- Llojin: Llojin e kartelë së objektit të dhënë
- Madhësinë: Madhësinë në kilobajte (dhe bajte) të objektit të dhënë
- Përmasat: Madhësinë në ekran të objektit, në piksel
- Tekstin Përshoqëruar Atij: Për figurat, teksti "alternativ" që shfaqet, kur nuk ngarkohet faqja.
Për cilindo objekt, duke klikuar mbi butonin , mund të zgjidhni ta ruani në hard disk.
Bllokoji figurat prej përkatësisë
Duke i vënë shenjë kësaj mundësiekëtij parapëlqimi, faqeve nga përkatësia e dhënë do t’u parandalohet të ngarkojnë vetvetiu figurat. Për udhëzime se si të jepen ose hiqen leje ngarkimi figurash për sajtet, shihni Rregullime për shkronja, gjuhë, dritare flluskë, figura dhe JavaScript.
Prurje
Leje
Dritarja e Lejeve ju lejon të anashkaloni mundësiparapëlqime për përkatësinë e shfaqur pas Leje për. Hiqjani shenjën kutizës Përdor Parazgjedhje, që të përcaktoni nëse i lejohet apo jo faqes të kryejë veprimin e treguar.
Të aktivizojë Shtojca
Shfaq shtojcat e instaluara dhe përcakton nëse për përkatësinë duhet të Pyetet Përherë, të Lejohet apo të Bllokohet ngarkimi për secilën shtojcë. Artikulli The Pse më duhet të klikoj për të aktivizuar shtojca? shpjegon se si caktohen këto leje për një sajt të dhënë.
Të mësojë Vendndodhjen tuaj
Përcakton nëse i lejohet apo jo Firefox-it t’i tregojë përkatësisë së dhënë se ku gjendeni, duke përdorur Shfletim të Ndjeshëm Ndaj Vendit. Për udhëzime se si t’u jepni ose hiqni sajteve leje për tregim vendi, shihni Lejojuni disa sajteve të depozitojnë fjalëkalime, cookie dhe të tjera .
Të Kalojë Nën Mënyrën Krejt Ekrani
Përcakton nëse i lejohet apo jo përkatësisë së dhënë ta kalojë shfletuesin nën mënyrën Krejt Ekrani. Për udhëzime se si të jepen apo të hiqen për sajtet leje për mënyrën Krejt Ekrani, shihni Lejojuni disa sajteve të depozitojnë fjalëkalime, cookie dhe të tjera.
Të fshehë kursorin
Përcakton nëse i lejohet apo jo përkatësisë së dhënë të fshehë kursorin.
Të Instalojë Shtesa
Përcakton nëse i lejohet apo jo përkatësisë së dhënë të hapë dritare dialogu instalimi zgjerimi ose teme. Për udhëzime se si të lejohen ose hiqen për sajtet leje instalimi, shihni artikullin Rregullime sigurie dhe fjalëkalimesh.
Të Ngarkojë Figura
Përcakton nëse përkatësia e dhënë mund të ngarkojë apo jo vetvetiu figura.
Të ketë depozitim Jo Në Linjë
Përcakton nëse i lejohet apo jo përkatësisë së dhënë të depozitojë lëndë për mënyrën Jo në Linjë. Për udhëzime se si të jepen apo të hiqen leje depozitimesh jo në linjë për sajtet, shihni artikullin Lejojuni disa sajteve të depozitojnë fjalëkalime, cookie dhe të tjera.
Të Ngarkojë Figura
Përcakton nëse përkatësia e dhënë mund të ngarkojë apo jo vetvetiu figura. Për udhëzime se si të jepen ose hiqen për sajtet leje ngarkimi figurash, shihni artikullin Rregullime për shkronja, gjuhë, dritare flluskë, figura dhe JavaScript.
Të Hapë Dritare Flluskë
Përcakton nëse përkatësia e dhënë mund të hapë dritare flluska. Për udhëzime se si të jepen ose hiqen për sajtet leje mbi dritare flluska, shihni artikujt Rregullime për shkronja, gjuhë, dritare flluskë, figura dhe JavaScript dhe Lejojuni disa sajteve të depozitojnë fjalëkalime, cookie dhe të tjera.
Të depozitojë Cookies
Përcakton nëse përkatësia e dhënë mund të depozitojë cookies. Për udhëzime se si të lejohen ose hiqen leje për depozitim cookie-sh nga ana e sajteve, shihni artikujt Rregullimeve mbi privatësinë, historikun e shfletimeve dhe mekanizmin mos-më-gjurmo dhe Lejojuni disa sajteve të depozitojnë fjalëkalime, cookie dhe të tjera.
Të shfaqë Njoftime
Përcakton nëse përkatësisë së dhënë i lejohet apo jo të shfaqë njoftime.
Të Instalojë Zgjerime ose Tema
Përcakton nëse i lejohet apo jo përkatësisë së dhënë të hapë dritare dialogu instalimi zgjerimi ose teme. Për udhëzime se si të lejohen ose hiqen për sajtet leje instalimi, shihni artikullin Rregullime sigurie dhe fjalëkalimesh.
Të Ndajë Vendin Me Të Tjerët
Përcakton nëse i lejohet apo jo Firefox-it t’i tregojë përkatësisë së dhënë se ku gjendeni, duke përdorur Shfletim të Ndjeshëm Ndaj Vendit. Për udhëzime se si të jepen apo të hiqen leje tregimi vendi për sajtet, shihni artikullin Lejojuni disa sajteve të depozitojnë fjalëkalime, cookie dhe të tjera.
Të ketë depozitim Jo Në Linjë
Përcakton nëse i lejohet apo jo përkatësisë së dhënë të depozitojë lëndë për mënyrën jo në linjë. Për udhëzime se si të jepen apo të hiqen leje depozitimesh jo në linjë për sajtet, shihni artikullin Lejojuni disa sajteve të depozitojnë fjalëkalime, cookie dhe të tjera.
Të Kalojë Nën Mënyrën Krejt Ekrani
Përcakton nëse i lejohet apo jo përkatësisë së dhënë ta kalojë shfletuesin nën mëyrën krejt ekrani. Për udhëzime se si të jepen apo të hiqen për sajtet leje për mënyrën Krejt Ekrani, shihni Lejojuni disa sajteve të depozitojnë fjalëkalime, cookie dhe të tjera.
Të fshehë kursorin
Përcakton nëse i lejohet apo jo përkatësisë së dhënë të fshehë kursorin.
Siguri
Identitet Sajti
- Sajt: Tregon përkatësinë e faqes
- Pronar: Shfaq të zotin e sajtit, nëse identiteti i faqes mund të verifikohet.
- Vërtetuar nga: Shfaq agjencinë që ka lëshuar dëshminë e sigurisë që përdor sajti. Klikoni mbi butonin që ta shihni atë.
Privatësi & Historik
- E kam vizituar këtë sajt më herët se sot?: Tregon nëse e keni vizituar më parë se sot këtë sajt dhe, nëse po, sa herë.
- A po depoziton ky sajt të dhëna (cookies) në kompjuterin tim?: Tregnon nëse sajti po depoziton a jo cookies. Klikoni mbi butonin që t’i shihni cookie-t, nëse po depoziton.
- A kam ruajtur ndonjë fjalëkalim për këtë sajt?: Tregon nëse keni ruajtur apo jo të dhëna hyrjeje në këtë sajt. Klikoni mbi butonin që të shihni fjalëkalime që keni ruajtur për sajtin.
Hollësi Teknike
Ndarja Hollësi Teknike tregon nëse është a jo e shifruar lidhja, për arsye privatësie, dhe nëse po, ç’lloj apo fortësie shifrimi qe përdorur.
